مطعم للاكلات الكوريا

[السحابة]

اخواتي ممكن احد يدلني علي مطعم او فندق يسوي اكلات كوريا وبالاخص اكله اسمها (كميشي) ياريت تساعدوني بنتي هتتجنن عليها رغم ان ادري لو ذقتها مش هتكملها انا يبت طريقة عملها من النت بس اغرضها مو معروفه وبعد ماقراتها سيرت كذا أدري أنكم بتساعدوني

[Abo Ahmed]

أعتقد في واحد في شارع سحيم بن حمد، قبل إشارات رامادا ومقابل فرايديز الجديد

خبرينا عن طعمها

تحياتي

[السحابة]

مشكور يابواحمد لما بنتي تذقها بخبرك بطعمها انا اكلة سوشي بغيت اموت مابالك كيمتشي بتترحم علي بس ايش نسوي في يهال هيدا الزمن بعد المجبوس والبرياني والمضروبه والهريس ماااااااااافي ومشكور ياخوي

[تحداني]

على ما اعتقد ذقتها في " فندق رمادا" زمان بس مب متذكره اذا هو الي تقصدينه ولا لا
مافي مانع تتصلين وتسألين


جملك الله برضاه

[sweet qatar]

.. كميشي ..

شكلها قرت رواية من أقصى الشرق أتيتي..

اخبر في مطعم كوري اسمه حدائق كوريا ..

اذا جربتيه ولاعليج امر اختي خبرينا شلون طعمه ..

ودي اعزم البنات على الكميشي عشان نتذكر الرواية ونسولف عن ابطالها

[غايه الطواش]

كم تشي تشيكيه اسمها
احسن مكان يسويها حدايق كوريا

قالي عنها زميل دراسه كوري

[السحابة]

ابشركم يابتها وتمت تصارخ من الفلفل كلها فلفل تمت تنط فوق تحت زين ماراحت المطعم كانت فضحتني شربة لترماي غير العصائر وكل ده من معلقه وعطتها للخدامه مسكينه الخدامه صار ويها كله احمر ههههه انا ادري ان بنتي بتسمع من البنات وتحب تقلد

[السحابة]

.. كميشي ..

شكلها قرت رواية من أقصى الشرق أتيتي..

اخبر في مطعم كوري اسمه حدائق كوريا ..

اذا جربتيه ولاعليج امر اختي خبرينا شلون طعمه ..

ودي اعزم البنات على الكميشي عشان نتذكر الرواية ونسولف عن ابطالها

هههه ماتدري عن الروايات لسه صغيره أهي مغرمه بممثله كوريا حتي اكسسوارتها تبي نفسها جيل مايعلم به إلا الخالق الله المستعان

[السحابة]

الحمدلله اقتنعت ان أكلي أطيب قالت ما أأكل الا اللي انتي تطبخينه

شكرا لكل من رد علي مباشر او من وراء الكواليس الله لايحرمني منكم

[sweet qatar]

يحليلها الله يخليها لج ويحفظها..

يا زين المسلسلات الكورية..


فديتج ما قلتي انتي رحتي حدائق كوريا..؟؟

ذقتي الـ kimchi ..؟؟ وكل الاكل الي عندهم سبايسي.. ولا ..


انا ما اشد السبايسي


بس ابي بالضبط نفس الصورة لأن البطلة كانت تشوي لنواف ..



وحطته عقب في الخس..



واحس حركة حلوة وتغيير عن اكلنا العادي..

وعسى الله يخليج لبنتج ولنا ومايحرمنا منج..