ليــــــــتكـ تحــــــس ......

**رأس بروق** · 25-10-2011 03:13 AM

ليتك تحس بغيبتك وش حالت اللي يموت فيك
ودّك تعرف بحالته ركـز معـي فـي حالتـه
قد له شهر من وين ما راحت عيونه يحتريك
في راس مرقابه يخايـل مزنتـن مـا خالتـه
ما لا يطيق أشتال من بعدك وهو منّك وإليـك
وصم الجبال الراسيـه تصدّعـت إن شالتـه
تظما عيونه شوفتك والنـور فيهـا يرتويـك
من غيبتك يا نور عينه والنظـر مـا طالتـه
عين السعاده دمّعت تبكيه من حزنـه عليـك
في عمرها ما قد بكت يا حـرّ دمعـن سالتـه
تبكيك ودموع المفارق ماتـت براحـة يديـك
كنها تقول أخذت موتـك أو بعـد مـا قالتـه
الله وأكبـر تنطـق الدمعـه وكنهـا تفتديـك
قتّالته يـا مـن فـدا فـي ذا الزمـن قتّالتـه
العمر خلص و الغلا كذاب و الغربـه شريـك
ثلاث مطلبهـا قهـر يـا ليتهـا مـا نالتـه
يا غايبه جف القصيد وضاق صدر(ن) يحتويك
والقلب طفل(ن) شاب راسه و المحبه هالتـه
بشر عرفت بغيبتك وش حالت اللي يموت فيك
عساك تفهـم حالتـه وأظـن بانـت حالتـه
للشاعر: عبدالناصر آل عبدان.....

**Miss** · 28-10-2011 12:34 AM

تظما عيونه شوفتك والنـور فيهـا يرتويـك
من غيبتك يا نور عينه والنظـر مـا طالتـه

يعطيك العافيه اخوي على النقل

**رأس بروق** · 31-10-2011 02:14 AM

الله يعافيك ...

**راويه** · 31-10-2011 07:59 AM

ليتك تحس بغيبتك وش حالت اللي يموت فيك
ودّك تعرف بحالته ركـز معـي فـي حالتـه
قد له شهر من وين ما راحت عيونه يحتريك
في راس مرقابه يخايـل مزنتـن مـا خالتـه
ما لا يطيق أشتال من بعدك وهو منّك وإليـك
وصم الجبال الراسيـه تصدّعـت إن شالتـه
تظما عيونه شوفتك والنـور فيهـا يرتويـك
من غيبتك يا نور عينه والنظـر مـا طالتـه

ابدعت اخوي فالطرح
صح لسان قايلها وتسلم يمين ناقلها
تقبل مروري