انا حبر الورق وانتي قصيدة كلها احزان
اسافر في ثناياها اعانق موجة احزاني
شراعي حب والقارب مشاعر وانتي العنوان
وبحر الحب والمرسى وانتي نصفي الثاني
أهيم بحضنك الدافي اخفف لوعة الحرمان
واصور للسماء حزني وعرفها بحرماني
وادور حروف الشوق شبيه التايه الحيران
واغرد في سماء حبك واترجم باقي الحاني
اشتت بالغناء همي اسلي قلبي الولهان
احاول كثر ما قدر عسى والهم ينساني
عجزت اوصل او اتناسى او اطوي صفحة النسيان
واصادر بقي الذكرى وصرخة قلبي الحاني
ولهفة روح مجروحة ودمعة في عيون انسان
احاول ارسمك صوره وقلب كان يهواني
تذكرته بدون اشعور شفته داخل الفنجان
مبلل والشعر منثور يسبح وسط فنجاني
وفي كفه ورود وشوق ملفوفه بدون اغصان
ونظراته الم وجروح اثارت كل اشجاني
تبي تصرخ وتتكلم تبي تروي ضماء عطشان
ولكن صمتها المجهول سقاها صمت واسقاني
تذكرتك وشوقي زاد واستهوتني الالحان
وأظن انك نسيتيني ولك غيري غلا ثاني
انا دمعة عشق سالت على صدر الورق الوان
انا المظلوم في دنيائي وانا في حبك الجاني
انا ذكرى نسيتيها وفي دنياك ماضي كان
انا جرح الزمن وانتي بالجرح اعياني
اسولف قد ماسلولف احس اني انا الغلطان
احس اني بقاياهم وماضي حبي ابكاني
انا وانتي سراب وليل حكمنا البعد والهجران
تقاسمنا الحزن والهم والموعد بدا فاني
وبسمة طفل مجروحه توارت ياصدى الوجدان
بين الحزن والدمعة وفي جرحي وشرياني
ابا تأسف تذكرتك ودمعي في عيوني بان
غصب عني تذكرتك وشوق الشوق ناداني
انا ونتي قصيدة حب منظومة بدون اتقان
اجل هذا انا وانتي بأول وآخر الحاني
منقـــــــــول
|
المشاركة الأصلية كتبت بواسطة العجمىq8
