صيدليه العنايه والشفاء ..نصب عيني عينك

[BonBons]

هذي الصيدليه على قبل خط الوكره قبل دوار سلاح الجو
وانا متعوده اشتري من عندهم غسول طبي مضاد للبكتيريا
ورحت امس اخذ كذا غرض وخذته بدون ماشوف الفاتورة
شوفو الفرق بالسعر




فرق السعر فضيع جدا ولاحظته اليوم لما دققت على العلبه
وهذا غلط مني اني ماشيكت السعر قبل لاشتريه
كان ب27 ريال والحين ب52 ريال
من الحره قمت ورحت الصيدليه واقوله كان ب27 من شهر يقولي مستحيل ومني مناك مصر على موقفه
وقالي ان وزاره البلديه سامحين لنا قلت له وين قائمه الاسعار قالي لحين ماوصلت قلت له شلون تغير بدون ماتوصلك انا باشتكي
قالي بكل بروود اووكي روحي

انبطت جبدي بس لو بروح اشتكي او اتصل وانا ماعندي الفاتورة هل يقبلون شكوتي ؟

[alnoida]

المفروض يروح له رجل يتفاهم معاه

[بوحارب]

صج حرامي

[nono80]

حبيبتي انا ماخذة نفس المنتج وبالفعل انصدمت بالسعر من شهر 27 وخذته 52 وعقب مارجعت انصدمت يعني دبل السعر حسبي الله عليهم في كل شي نهبه وحتي الزنتك شريته من صيدليه 85 وصيدليه ثانيه 92 لاحسيب ولا رقيب الله المستعان

[وتبقى الدنيا حلوه]

مشكله زياده الاسعار فكل مكان .. المشكله محد قادر يوقفهم عند حدهم

واللي يقهر اذا قلت بشتكي يقولك روح اشتكي صج يحروون

مدري شو هالحسد زادونا شوي يبون ياخذون الزياده منا

مايدرون الواحد فينا ينتظر الزياده من زمان

والواحد مليان ديون من راسه لين ريوله

واللي فيه مكفيه

ناقصين جشع !!

[العميد الركن]

الصيدليه مالها شغل

علي بن علي هو المحتكر وهو الي يرفع الاسعار

[BonBons]

والله حاله
محد ضارنا كثر اللي محتكرين السلع
حسبي الله عليهم
والمشكله هم من اهل قطر المفروض يكونون معانا مب ضدنا

[.Q a T a R.]

اختي كلمي الدكتوره عائشه الانصاري

هي في مراقبه سعر الادويه واذا تبين رقمها راسليني على الخاص

[التايه]

حتى دواء السكر كان 17 ريال وصار الحين 26,50 ريال

لما سألته ليش رفعتوا الاسعار قالي هذه الاسعار من وزارة الصحة

هم اللي زادوا الاسعار مش احنا (على قولته)

قلت له راح اشتكي عليكم , قالي وبكل برود الباب مفتوح قدامك وروح اشتكي.

[diab911]

للأسف غسول سيتيال رافعين سعره من شهر وسئلت الصيدلي ليش السعر دبل قالي والله من الوكيل وللحين في بعض الأدويه بزيد الدبل