السلام عليكم ورحمة الله
اخواني الكرام سؤال بسيط
والله يجزيكم الخير
تقريبا كم مساحة الارض الي تعطيها الدوله
والبناء مع القرض تقريبا كم يكلف
لو الواحد فكر يبني بيت شعبي طابق واحد ويا ملحق
كبدايه وفي كم سنه تقريبا يكون البنى
والشكر موصول لكم مقدما
الله يبارك فيكم
هلا فيك اخوي
الارض تتراوح مساحتها من 1000 الى 1400 متر
والقرض لكبار الموظفين 600 الف ( السنير )
والجنير 350 الف اعتقد
وفي هالوقت اعتقد الاغلبية يدفعون اضافة على القرض
ويختلف من شخص لاخر
يعني بيت شعبي اذا كان القرض 350 الف
اعتقد بتدفع مثل القرض اول اقل
على حسب كل شخص وترتيباته في البيت
والمدة ممكن تكون سنة او سنة ونص او سنتين
على حسب دفعاتك للمقاول
السلام عليكم ورحمة الله
جزاك الله خير الكعبي
وتسلم
تقريبا لو قلنا 1000 متر
ان شاء الله والحمدلله
فلو قلنا بيت طابق وملحق
تقريبا كم يجي السعر
ومدة البناء تقريبا كم
وكم سنه ليما يعطون القروض والاراضي
اتمنى توافينا والله يبارك فيك ودعواتك
المشاركة الأصلية كتبت بواسطة g_man
اخوي عشان نسهل عليك ..
اول شي احسب مساحة البيت اللي تبي تبنيه
مثال .. اغلب البيوت اللي تشوفها معروضة للبيع واللي على نص ارض مساحتهم تتراوح بين 350 - 450 متر مربع
نفرض انك تبي تبني على مساحة 450 متر مربع ..
السعر بيكون على حسب المواصفات اللي تبيها في بيتك .. كل شي بسعره
المواصفات العادية سعر المتر المربع للبيت مع التشطيب يبدا من 1500 ريال وطالع
بحسبة بسيطة
نفرض ان مساحة بيتك هي 450 متر .. وبتبني على مواصفات عادية 1500 ريال للمتر المربع
مساحة البيت 450 متر مربع X سعر المتر 1500 ريال = 675000 ريال
واذا عندك اي استفسار ثاني بخصوص البناء واسعاره انا تحت امرك لأني مار بهالتجارب كثير
السلام عليكم ورحمة الله
جزاك الله خير ياسليطي والله يبارك فيك
واان فعلا بحاجه الى استفسارات كثيره
وان شاكر لك على كل الي قتله اخي الحبيب
فيك الخير ولو ماعليك امر ممكن وضع ايميلك
احاول بس اسالك بعض الاساله اكثر ان شاء الله
لاني ماموصل 100 مشاركه ولا بعثت لك رساله خاصه
والسموحه والله يبارك فيك
اخوك g_man
اخوي تفضل واكتب اي استفسار هنيه وانا او اي حد غيري من الأعضاء مش مقصرين وياك انشالله
ويمكن غيرك من الأعضاء يستفيد من المعلومات اللي بتطرح في الموضوع
ويا هلاااا بك
التعديل الأخير تم بواسطة sulai6i ; 22-05-2006 الساعة 06:32 PM
اذا بتاخذ نموذج الخريطة من عندهم وماراح تغير في المواصفات ولا بتزيد شي من عندك فالمقاول بياخذ عليك من 150.000 إلى 180.000 ريال فوق القرض وصعبة تلقى مقاول ياخذ بيت شعبي هالايام
سلام عليكم اخوي السليطي
جزاك الله خير وكلامك عين العقل اخوي
انا بس كنت احاتي البنى وكم تكلفته
يعني لو طابق واحد ولكن بو اساس طابقين
يعني ببني في المستقبل طابقين
لكن في الوضع الحالي طابق
كم بكلف تقريبا و القرض هل ياخذ فتره ليما يطلع
لاني سمعت احين خففو الفتره
فاتمنى اسمع استفسارك اخي
اخوي سهم طايح
اشكرك اخوي ولكن المبلغ الكلي لبيت طابق واحد كم
وزين حتى لو يعني يبني بيت طابق واحد مابياخذ
واساسه طابقين !!
ان شاء الله الاقي يرجال وبتوكل على الله
تسلم والله يبارك فيكم ان شاء الله
يا هلااا بك اخوي
بخصوص القرض انا ما ادري اي قرض تقصد .. كبار الموظفين ولا البيوت الشعبية
اذا كبار الموظفين ونزل اسمك في اللستة روح لهم وود وياك خرايط البيت + رخصة البناء + عقد المقاول + عقد الاستشاري .. والدفعة تنزل خلال اسبوع من توقيعك ويا ادارة القروض وباقي الدفعات تنزل مع نهاية كل مرحلة من مراحل البيت
اذا اسمك ما نزل لين الحين انتظر دورك والله المستعان
اما اذا تقصد قرض الاسكان الشعبي اتقد انه ما ياخذ اكثر من سنة
ودام انك ناوي تبني اخوي بعطيك شوية نصايح
1- اسأل عن سعر البناء للمتر المربع على المواصفات اللي تبيها
2- روح مكتب استشاري وسو خرايط بحيث ان المساحة تكون مناسبة للمبلغ اللي عندك
3- خذ لك لفة على البيوت اللي تنبني واقرا اسامي المقاولين وسجلهم وشوف شغلهم شلون
4- دايما اسأل ربعك اللي بنوا من قبل عن كل شي عشان تكون لك فكرة عن كل شي
5- لا تبني شي اكبر من طاقتك وحط في بالك ان البيت بيحتاج مبالغ زيادة بعد ما يجهز مثل الصبغ والجبس والمكيفات وخلاطات الحمامات والمطبخ وغيره .............
ضوابط المشاركة
رد مع اقتباس