الخياطة في سوق واقف ٤٠ ريال
الخياطة في سوق واقف ٤٠ ريال
اعتذر عن عدم القدرة على الرد ... لاني سأتوقف نهائيا عن الكتابة بالمنتدى
مع تمنياتي للجميع بالصحة والتوفيق
لا اله إلا انت سبحانك إني كنت من الظالمين
في سوق العلي الخياطة مع القماش بين ال 80 وال 120
واذا القماش من عندك بين ال 25 وال 40
اللهم لك الحمد كما ينبغي لجلال وجهك وعظيم سلطانك
وبعدين تلومون التجار ليش يرفعون الاسعار؟؟؟ .. يا جماعة خافوا الله! ،، انتوا لما تفصلون ثيابكم على 200 و 300 تراكم تشجعونهم على الزيادة وتتحملون اثم ضرر باقي اخوانكم ، اتقوا الله!
الاسعار في تفاوت غريببببببببببببببببببببببببببببببب
والله حرام
كلامٌ للشّيخ ابن عثيمين-رحمه الله ، قال:
" إذا رأيتَ نفسكَ مُتكاسلاً عن الطّاعة ؛ فاحذر أن يكونَ الله قد كرهَ طاعتَك ، فانتبه لنفسك"!
__________________
انا رحت خياط قباء في الغرافه في العيد .. الثوب بـ 250 و 240 .. ومريت عليه بعد الزياده بـ 260 .. قلتله ليش قال القماش صار غالي ولا يبي ينزل ريال .. ولا فصلت منه قلتله بجيبلك قماش من برع وتفصلي بيكون ارخص .. حرقت قلبه اشوي .. وتصلت لحماية المستهلك ..
كفوو والله والله لوو الشباب كلهم سوو نفس ماتسوي والله العظيم ينززل على راسه ويفصل ب 150 مثل الخياطين ولكن للحين الله يهديهم البعض يدفع ويخلليه يطمع ازياده
اناا جيته اوول رمضان ابي افصل ل ولد اخوي اصغير قال مافيه مجال زحمممه مايخلللص الاا بعد العيد ب اسبوع تخيلللو لانه كانه عنده زحمه شباب ويبي يسووي دعايه للمحل انه مزحوم !!! اللي خلاني اتااكد من هالشيء ولد عمي فصل عنده بعدي با اسبوع ؟!!!وخلللص له قبل العيد ب يومين !!! هذاا فرع الغرااافه وقااطعتهم الصرااحه وفصللت في خياط ب 170 خلال اسبوعين تستلمه
No One Can Do Every Thing,But Every One Can Do Something
في شارع ال شافي جنب مطعم ابلبيز الخياط ب 35 ريال بس الطاقة علي
في سوق العلي في بعض المحلات تفصل على 120 و 150 وانا افصل على 100 من خياط صاار لي معاه اكثر من 7 سنين افصل من عنده ولين افصل طاقه ينزل السعر لين 90
وفي بعض المحلات استغربت من قيمة الثوب يفصله على 400 واكثر بعد واحد من الربع مفصل ثووبه ب 350 من محل نفس الاقماش الي افصل منه من سوق العلي وقيمته 100 ريال
من محل لمحل تشوف اسعار غير وكل المحلات تقريبا تاخذ الاقماش من سوق واقف ويقول لك طلبيه الاقماش وشاريه مادري من وين
والي بيدفع بيحصل احسن وكله نفس الشي بس ناس تتفاخر وناس عادي
والله يعين
الحمدلله .. الحين أقدر أكتب موضوعي بعد ما تأكدت من الاسعار .. حسب مشاركة الاخوان مشكورين .. لأنني فعلاً آخر مرة خيط ثياب كان قبل حوالي سنة وكان سعر الخياطة (35) ريال وطبعا القماش من عندي .. وأعرف أيضاً أن الاسعار تختلف من محل لآخر حسب ديكور المحل وموقعه وليس حسب جودة الخياطة .. لكن في جميع الأحوال يكون التفاوت ما بين (5 - 15) ريال ..
والحين قبل ثلاثة أيام (18/9/2011) شريت طاقة ورحت لنفس الخياط اللي اتعامل معاه وهو (أقمشة ميم للخياطة الرجالية) بعد دوار معيذر المحلات اللي على اليمين مقابل اسباير زون ..وتفاجأت بأن سعر الخياطة (60) ريال وهو معلق ورقة بالاسعار الجديدة ولكن وضعها في مكان غير واضح .. وأنا للأسف ما عرفت هذا الشيء الا بعد أن حضرت لاستلام الثياب بعد الخياطة لأنني حسبت أن الاسعار كما هي أو قد تزيد (5) ريالات خاصت أنني زبون عندهم منذ فترة طويلة ..
والخياط العامل في المحل طيب وخلوق .. وأخذ يقسم لي بأغلظ الأيمان بأن هذه الزيادة ليست من عنده بل صاحب المحل هو الذي رفع السعر وهو يحاسبه وأي نقص في المبالغ على العامل أن يدفعه من جيبه ..
فقلت لا حول ولا قوة إلا بالله .. وتذكرت على الفور منتدانا الغالي وأن هناك حملة لمقاطعة المحلات التي تقوم برفع الاسعار دون مبرر فقط لأن الحكومة زادت الرواتب !!
ويمكن لأي واحد أن يتأكد بنفسه بزيارة هذا الخياط ورؤية الورقة المكتوب عليها الاسعار وسؤال العامل
تحياتي ،