أسعار شركة عبدالغني اليوم 18-9-2011

[qatari 111]

صحيح انه فيه فرق في العملة , بس الواحد كم يقدر يوفر إذا اشترى تويوتا من السعودية أو الإمارات ,

لأنك إذا حسبت السكن والمواصلات والجمارك وتسجيل السيارة وتحويل ضمان السيارة على شركة عبدالغني بتشوف انك في النهاية دفعت نفس سعر السيارة في الدوحة ويمكن أكثر.

يعني بالمختصر المفيد شركة عبدالغني بالنسبة لهم حاسبينها صح من ناحية زيادة أسعارهم عن السعودية

لا يا خوي السيارات الجديده معفيه من الجمارك والمواصلات كلها بترول رايح جاي 100 ريال للحسا ومايبيله سكن كلها 5 ساعات رايح جاي وامورك طيبه ..
واذا على الضمان ما نبي منه ضمان خله له الضمان وعارفين نصبهم تودي الموتر سيرفس يا بلفيت يشيكونه لك وهم بس يبدلون ايل وفلاتر وسفايف وعقب ماينتهي الضمان يطلعون لك بلاوي السياره كلها ..

ترى اخوي شرى نيسان من الحسا في 2006 109000 ريال سعودي .. وكان يبيعونه عندنا على 120000 ريال قطري مع فرق العمله جفت شلون الفرق كم لا جمارك ولا هم يحزنون

[BIG-VEGA]

والله مصخها هاي العبدالغني

يارب نشوف يوم في كل جشع وطماع

[بو خليفه 123]

مشكور اخوي عيون الدوحة.. الله يعطيك العافية ...
اسعاار معقولة

من وجهة نظري الشخصيه هي ليست معقوله بل خرافيه !!

اذكر أول في اكس ار شريته في سنة 1997 فل ابشن بـ 147 ألف

لاحظي الفرق بين السعر الحالي والاسعار خلال 10 سنوات .. هذا الارتفاع ليس طفيف انما احتكار و استغلال ..

ناهيك عن ذكر ردائة خدمة "ما بعد البيع" في وكالة عبدالغني و غلاء اسعار الصيانه ..

بـ 275 ألف معناته اشتريلي بي إم دبليو ابرك لي , و اكشخ , و ضمان صيانه لمدة 5 سنوات ماعليك يالمستهلك الا انك تصب بترول و تمشي .. ولا جا وقت الصيانه يجيبونها لي لين باب بيتي ولانيب محتاج اتحايل على مرعي و فرغلي على خصم 15% من عبدالغني !


شكراً يا عيون الدوحه عسى عيونك سالمه ..

[بوالبيض]

كل المواتر تاخذها من برع ارخص مو بس التويوتا ارخص اسئل عيون عن المواتر بعدين قول عبدالله عبدالغني اكثر ولا لا

[روح قطر 1]

سعر البرادوا

[قطري123]

مشكور اخوي عيون الدوحة.. الله يعطيك العافية ...

[OTBD]

كل المواتر تاخذها من برع ارخص مو بس التويوتا ارخص اسئل عيون عن المواتر بعدين قول عبدالله عبدالغني اكثر ولا لا

برع في وين ممكن تحدد

[doha70999]

نبي نعرف اسعار البورش

[QATAR-2006]

يا اخوان السيارات ونقدر نقاطع الشركة بس شلون نقاطع المواد الاستهلاكية للسيارة ؟.. عندي كروزر 2006 شريت له سفايف من كم شهر 180 ريال (الزرقا) واليوم رحت بغيت اشتري قالوو لي 300 ريال.. مو نصب اقل من سنه يرفع فوق 50% والمشكلة الكوالتي نفسه تعبان مايعيش عندك مثل النيسان ..انا اتعامل مع القطري لقطع الغيار وهو وكيل معتمد للتيوتا.. حسبي الله ونعم الوكيل..

[مرتبش]

وين حماية المستهلك