حتى الحجامة ارتفعت أسعارها!!!

[سهم عتيج]

عندك ياخوي مطوع مسجد في خليفة الشمالية يحجم لك في أكثر من موضع ولا يشرط السعر ويقول الي يجي منك ... وشغله ممتاز ونظيف

هذا اللي نعرفه طال عمرك والمتعارف عليه,, انك انت واللي تجود به نفسك..

هذي أول وآخر مرة أروح له وفي المرة الجاية ان شاء الله نشوف واحد ثاني,, وبنحط هذا الشيخ في اللستة ان شاء الله..

بصراحة زعلت على الغلو ووضع الأسعار بهذه الطريقة واللي تخالف العرف اللي تعودنا عليه..

والعملية ماتستاهل كل هالسعر..

ماينلامون الممكيجات القطريات عيل اذا زادو أسعارهم,, يقعدون على العروس بالساعات

[ANONYMOUS]

الله يرحم يوم كانت عنده بالبيت انت واللي تعطيه لو عطيته خمسين مافي مشكله اصلا حتى لو قلت ماعندي بعد مافي مشكله

[سهم عتيج]

الله يرحم يوم كانت عنده بالبيت انت واللي تعطيه لو عطيته خمسين مافي مشكله اصلا حتى لو قلت ماعندي بعد مافي مشكله

عاد شاقوللك,, الظاهر تأثر بموجة رفع الأسعار وقال خلني أركب الموجة

ياريت يسمحون حق أكثر من واحد في المكان نفسه بأنه يفتح محل حجامة,, وياريت تكون المحلات في أماكن متفرقة عشان مايتفقون على الأسعار بما أن المكان تراثي..

[البدع]

الي اعرفه مبنى مستشفى حمد

بس ما اعرف بالضبط

لأني سويت العام بسوق واقف وكان 250 ريال

بينما جاني خبر انه ببلاش

بس عيبه انه بالموعد

وياخذ وقت

[البدع]

اعتقد انه مصخها

إيجار المحل رمزي

لازم يضم للمقاطعة

[البدع]

مرة كنت عنده

وكنت أنا واثنين بالمحل

يعني ٧٥٠ ريال في ساعة وحدة

لو بالشهر بيكون ٢١ الف ريال

هذا مثال مبسط فقط

واذا كنت تقصد نفس الي أنا اعرفه فهو عنده مكان للحريم

واعتقد ان الغلطة من المكتب الهندسي الخاص

لازم يدخل مثل ماحصل مع المطاعم

ويحط ختم على اسعاره

[شيزكيك]

ما اقول الا الله يعينا يا اهل قطر

الكل طمع فينا مع هالزياده ال ي للحين ما نزلت

[عيون الدوحة]

في مركز للحجامة بمعيذر ورى البحار تقريبا صوب عيادة أسنان ماذكر أسمها

فيلا جديدة حد جرب يروح عندهم

[اسعاف]

سبحان الله,, اليوم رحت أسوي حجامة الا أتفاجأ بأن السعر صار 300 ريال

250 ريال شغل يد و50 ريال للأكواب..

ما أبغي أقول اسم الحجام,, ولكنه موجود بمكان مشهور جدا وايجار رمزي...

يعني قلنا التجار جشعين,, حتى بعض المطاوعة والأتقياء عينهم على الزيادة؟؟؟


الله المستعان..

سهم عتيق

الله يعافيك يارب

بس تدري انك ظلمت الرجال وشهرت به من غير حق

انا قبل شهرين امسوي عنده حجامة وبنفس السعر

يعني خذ 250 ريال عن الحجامة بدون زيادة موضع آخر

واذا اردت الزيادة (كوب) تدفع 50 ريال

وانا كنت احتجم عنده قبل 6 سنوات

وهو شيخ فاضل

وعندهموظفين ومواد وقعدة من الفجر وغير ذلك

فارجو حذف الموضوع لآنه تجني على الرجال

ولم يزد في الأجرة بعد اعلان الزيادات
لآنها كانت موجدودة قبل ذلك
ولك ان تتأكد منه شخصيا
ومن المحتجمين عنده كل سنة

[سهم عتيج]

سهم عتيق

الله يعافيك يارب

بس تدري انك ظلمت الرجال وشهرت به من غير حق

انا قبل شهرين امسوي عنده حجامة وبنفس السعر

يعني خذ 250 ريال عن الحجامة بدون زيادة موضع آخر

واذا اردت الزيادة (كوب) تدفع 50 ريال

وانا كنت احتجم عنده قبل 6 سنوات

وهو شيخ فاضل

وعندهموظفين ومواد وقعدة من الفجر وغير ذلك

فارجو حذف الموضوع لآنه تجني على الرجال

ولم يزد في الأجرة بعد اعلان الزيادات
لآنها كانت موجدودة قبل ذلك
ولك ان تتأكد منه شخصيا
ومن المحتجمين عنده كل سنة

يعطيك العافية اخوي اسعاف,, ومشكور على النصيحة..

كنت أقصد من الموضوع هو السعر المرتفع من الأساس وليس ارتفاع السعر مع ارتفاع الرواتب,, لأني لأول مرة أعمل حجامة..

معليش اخوي اسعاف من خلال خبرتي البسيطة في الحياة أعرف أن لكل مهنة نموذج يحتذى به,, فاذا قام بعمل شيئ اقتدى به من هم على نفس المنوال..

يعني نحن نعرف أن هذا الشيخ الفاضل ان شاء الله يعتبر هو مؤشر الحجامين العاملين بقطر,, فكلما رفع سعره فانه اوتوماتيكيا سيرتفع سعر الحجامة بشكل عام في قطر..

مثال آخر في مهنة أخرى,, فيه حلاق تركي مشهور جدا.. عندما كان يرفع سعر الحلاقة,, فانك بعد فترة تشوف جميع أسعار الحلاقين في قطر ترتفع حتى البنغال اللي محد يجيهم يرفعون أسعارهم,, لأن هذا الحلاق هو القدوة لبقية الحلاقين في قطر..

لذلك فان اعتراضي على السعر المبالغ فيه بغض النظر عن رفعه قبل الزيادة او بعده.. خاصة اذا علمنا أن أجار المحل يعتبر رمزي وأن الحجامة لا تأخذ من الحجام جهدا كبيرا..

وشوف من خلال ردود الأعضاء ان بعضهم أصبح يقوم بعمل الحجامة عند آخرين ب 300 ريال.. يعني صدقني اذا قام هذا الحجام برفع سعر الحجامة في يوم من الايام الى 500 ريال,, فان أسعار الحجامة اوتوماتيكيا سترتفع..

وهذا هو قصدي من الموضوع بارك الله فيك..

ملاحظة,, تم تعديل المشاركة اللي تم فيها التهجم على الشيخ..