رجعت من حدود السعوديه بسبب الخدامه!

[نيساني]

السلام عليكم ورحمة الله وبركاته

قصه واقعيه صارت لي وحبيت احذر جميع الاخوان منها

نويت اسافر بر مع الاهل البحرين واخذت العيال والخدامه معاي وبعد ماوصلت حدود السعوديه

جا وقت التطبيق وصارت المشكله

ادخلوا الاهل مع الخدامه وفجأه جاني الشرطي يقول لي الخدامه ممنوعه من الدخول او المرور

من السعوديه يابن الحلال يهديك يرضيك قال لي اسمح لي يالشيخ قلت له بس مرور كلها 3 ساعات قال يمكن تشرد عليك زين والحل

قال لي مافي الا انك ترجع قطر وتسفرها بطياره للبحرين اذا انك في حاجتها ورجعت وسفرتها
بطياره للبحرين وعلى الدرجة الاولى هههههه (خوفي)

سئلته اهي شمسويه يقولي شارده من كفيلها وسفروها ورجعت السعوديه تزوير للحج ومارجعت بلادها وصادوها بعد فتره يقول والحين بعد مزوره اسمها

اصدموني يوم شفت صورتها في الكمبيوتر مالهم وعليها التعميم

الحين اذا بغيت اخذ خدامه اشلون اعرف اذا هي معمم عليها في السعوديه او لا؟

والحمدلله على كل حال

وشكرا

[صوت الضمير]

اخوي نفس الحاله

خدامه اندونسيه عندنا من سنتين

وووفقونا بالمراكز .. قالوا ممنوعه من دخول السعوديه

والله مادري وش مهببه عندهم بس ماشفنا عليه شي

جاء واحد من اعيالنا يأخذها وكملنا الطريق

لو انه في تعاون مشترك بين دول مجلس التعاون بها الموضوع

أبداع

[هبوب الكوس]

هههههههههه

عيل وش اتقول عني الي راح مركز الغويفات مركز الامارات وردوني بسبب الخدامة

يقولون كفيلها السابق مسويلها حرمان من دخولها البلاد صدق تحطمت

انت يحيك قريب

[البدع]

السموحة

بس عندي انتقاد

ماتعرفون تسافرون بدون خدامة

والله يوفقكم

[هبوب الكوس]

السموحة

بس عندي انتقاد

ماتعرفون تسافرون بدون خدامة

والله يوفقكم

عن نفسي اقدر بس السفره كانت زيارة وليست سياحه

والله يوفق الجميع

[مشتاقة لقطر]

اشوى انكم عرفتو انها مسوية بلاوي لاتنطر عليه من تكمل مدتها سفرها

[بوسلمان 2010]

ايه والله وانا اخوك الواحد مايصبر عن الخدامه في كل شي الله المستعان مع العلم كثرت بلاهم وقلة فايدتهم

[انا حره]

تدرون هاذا يدل على النظام الفاشل الي عندنا
الحين لاجات الخدامه يودونها البصمه على ثولتهم عشان يشوفون عليها شي ولا مشكله ويحطون لنا موافقه ان ماعليها شي

[U Welcome]

يالربع اللي يبي يسافر بر وعنده خادمه
يروح السفاره السعوديه ويطلع لها تأشيره مرور
ومن ثم يروح سفارة البلد الثاني وياخذ لها تأشيره

وكان الله غفورا رحيما*

[الحجاجي]

يالربع اللي يبي يسافر بر وعنده خادمه
يروح السفاره السعوديه ويطلع لها تأشيره مرور
ومن ثم يروح سفارة البلد الثاني وياخذ لها تأشيره

وكان الله غفورا رحيما*

فعلاً هذا احسن حل ..

قبل الواحـد يروح ويتعنى

ياخذ الشيء جاهز ..

وعلى فكرة بالنسبة للسفارة السعودية بيدققون زيادة عليها

وهالشيء لمصلحة العامة ..


كل الود