ابغي اسوي مشغل نسائي ومحتاجه رأيكم
السلام عليكم
مثل ما قريتوا العنوان ابغي اسوي مشغل نسائي ومب عارفه كيف ابتدي ..
مشاغل نسائية عندنا اعتقد ما فيه واذا فيه يا ليت تعلموني حتى اروح لهم وأسأل عن بداياتهم ..
وبعد ابغي اعرف موقع مناسب اروح ادور فيه عن فيلا للمشغل وين تشوفون منطقة مناسبة ...؟
وكم بيكلفني المشروع كله بين خياطيين وماستر خياط ( مصمم ) وهالشغلات
انتظر ردودكم وآراائكم
يمكن تقدرين اتسوينه بشقه تجاريه ، انشاءالله الاخوان ايفيدونج اكثر
فكرة جميلة وليها سوق
كان عندي تخيل للخطوط العريضة للفكرة بس ما اعرف ارفع ملف على المنتدي مش عارف لية ؟
عموما ً ربنا يوفقك
ربنا ظلمنا أنفسنا وإن لم تغقر لنا وترحمنا لنكون من الهالكين
اللهم بارك بأهلنا بفلسطين وكافة المسلمين وثبتهم على الحق يارب العالمين
والله شقه صعبالمشاركة الأصلية كتبت بواسطة حمد 2002
على العموم مشكور اخوي
مشروعج براي ممتاز جدا وخصوصا ان هالايام الي محتكرين السوق النسائي هنود بالتحديد الخياطين فتوكلي على الله وتمي مشروعج وانا اقولج من الحين مبروك عليج الارباح
مشغل نسائي ما فهمنا منه شيء قصدج مشغل حق يونيفورم الخدم وملابس المدرسية
ولا قصدج الازياء النسائية .
لو تبغين تفتحين مشغل فاعتقد النيباليين فنانين في الخياطة
والمفصل لازم يكون هندي لانهم اهل الخبرة في التفصيل
ولو تحبين تفتحين محل الازياء يعني تبين تطلعين تشكيلات وموديلات
فاعتقد تحتاجين الى مصمم وانصحج بمصصمة لبنانية او فلسطينية لان ازواقهم حلوة
ولو تحبين تزيدين شي من ازياء الغربية فعندج مصصمة فلبينية او مصمم فلبيني
ولو احتجتي الى اي معلومة ما يسير خاطرج الا طيب
اخوي .. ارسلت لك على الخاص من امس ما رديت علي
بانتظارك
مشكور اخوي لتشجيعك ..
جزاك الله خير
اخوي المشغل النسائي خياط للجلابيات فساتين الاطفال والنساء والعبايات وممكن تغليف هدايا عمل ملاحف عطور و بخور يعني كل مستلزمات النساء وبنتدرج طبعا مش كل هذا اول ما افتح بسويه لحد ما ندخل على اليونيفورم والملابس المدرسيه..
افكر اجيب مصممه فلبينية افضل والنيباليين لو الموت ما جبتهم مشاكلهم كثيره وما عندهم تفاهم
بودي فقط اعرف مشروع مثل هذا كم بيكلفني وافضل موقع من وجهة نظرك ادور فيه على فيلا .. بالغرافه ولا بالخريطيات ...ولا الدفنه ..
محتاجه دراسة جدوى للمشروع قبل اي شيء
سبحان الله وبحمده
ضوابط المشاركة
رد مع اقتباس