دراسة جدوى لمشروع بوفية

[طالب علم]

أخوي شكراً على مشاركة المعلومات وهذا شي زين، والمشروع ممتاز عشان الأكل ما يخلص الطلب عليه بس أخوي الأرقام محتاجة مراجعة كبيرة : مثلاً.

تأسيس المحل ما أتوقع يكلف أقل من 150 ألف :

وين الرخص الحكومية .
وين إقامات العمال.
وين تأمين الماء والكهرباء واالهاتف.
وين المطبوعات والعلب اللي عليها إسم المحل.
وبعدين لوحة الإعلان لوحدها 6000 ريال.

نروح للمصاريف الشهرية.

المصاريف اللي حاطها ما تكفي صندقة وإسمحلي.

4 عمال كل رواتبهم 3400 ريال يعني ما يعرفون شي بالدنيا ولا حتى الطبخ
250 ريال مياه وكهرباء وتلفون؟؟؟؟ فاتورة الماي بروحها بتيجيك فوق 500 ريال . وبعدين مين بيدفع فواتير كهرباء وماي سكن العمال.
إيجار محل وسكن 2500 ريال وين تلقاه هذا في الدوحة؟

أخوي عشان ما تخسر يا ريت تراجع أرقامك عشان مصاريف 4 عمال لوحدهم بدون محل ولا شغل مع سكنهم يكلفك فوق 8000 ريال شهرياً.
لازم تدفع تذاكرهم وإقاماتهم والفحص الطبي وأكلهم على حسابك وعلاجهم على حسابك وبعدين ما تبي تسوي توصيل طلبات، ومن بودي عمالك على الشغل وبيرجعهم.
أخوي سامحني ما أحب أقفلها بس ما أحبك تخسر
وسلامتك.