بسم الله الرحمن الرحيم
اخواني الاعضاء والمشرفين انا حبيت احط خبرتي المتواضعه + خبرة باقي الاعضاء والمشرفين في موضوع واحد ليتسنا لنا جميعا مساعدة الاعضاء في المشاكل المتعلقه بالايفون ومشتقاته( الايباد ، الاي بود ... الخ )
ويرجى من الاعضاء عدم الشكر وعدم الردود خارج نطاق المشاركة ( المشكله ) او الحل المشاكل
وعند وجود اي مشكله وتحتاج مساعدة عاجله ارسال لي على الخاص
او مراسلتي عن طريق الايفون في برنامج الهوز هير (بن كود 3qkzu)
ويرجى التثبيت
التعديل الأخير تم بواسطة مو مهم ; 01-01-2011 الساعة 08:45 PM
جزاك الله كل خير أخوي.... وتقدر تشاركنا بخبرتك في هذا الموضوع لحل مشاكل الايفون
http://www.qatarshares.com/vb/showthread.php?t=279448
وشكرا لك على بادرتك الطيبة....
يعطيك العافيه اخوي ع الاطراء وانا دخلت هذا القسم لقيت اكثر من شخص عنده مشكله ومحد حله والا فيه قسم خاص بالايفون والا موضوع
امممم شفت الرابط بس الموضوع قديم وفيه 180 صفحه يعني صعب حد يحصل مشكلته بين المشاكل الكثيره
*
صحيح الموضوع قديم ولكنه نشط باستمرار وكل حد يبي مشكلته تنحل يحطها فيه وتنحل باذن الله... لأن هو اكثر موضوع معروف في المنتدى ويلجأ له الغالبية لحل المشاكل.... ان شاء الله بخبرتك بتفيدنا فيه وبتساعد كثير من الاعضاء...... وجزاك الله كل خير.....المشاركة الأصلية كتبت بواسطة مو مهم
ابشر ان شااء بدخل الموضوع
وانا ماركزت بقسم سوق المنتدى وكنت اضن ان الموضوع في الصفحات الخلفيه يوووم طرشت الرابط
وعساكم على القوة
اخوي .. بخصوص الايبود ... بنتي الله يحفظها كتت عليه ماي ... بس اشتغل عادي .. عقب كم يوم .. طفى الجهاز ولا عاد اشتغل شحناه اكثر من مره مافيه فايده ...
وديته epro ... قالوا لي التصليح يكون 50 % من سعر الجهاز الاصلي .. انا شاريه الجهاز ب 1749 ...
وانت احسب كم يطلع التصليح ...
وقالوا لو حابه نقدر ناخذه منج ونعطيج بداله نفس الحجم بس الدفعه اليديده وادفعي الفرقيه واللي 999 ... ؟؟؟!!!! يعني الف ريال .. استخسرت اخذه واقطه بيد اليهال ويخترب حاله حال اللي قبل هههههههه المهم ماعاد عرفت شلون اصلحه ولا وين اروح ..
لو عندك خبره اكون شاكره لك ... وسوري طولت عليك
عادي اختي اخذي راحتج
بس بخصووص سؤالج انا خبرتي في البرمجه
بس اذا تبين رايي في هذا الموضوع روحي محلات الغرافه في محل اسمه فوريو للاتصالات ارخص محل وشغله نظيف وصلحي الجهاز وفي تلبيسه تحصلينها بسوق المنتدى قسم الهواتف ضد الماي والكسر
واي استفسار ثاني انا حاضر
مشكور اخوي وبتصلهم بكره اجوف لو عندهم امل ولا لا
يعطيك العافيه اخوي
الله يعافيج
رووحي عند واحد اسمه ابراهيم
ضوابط المشاركة
رد مع اقتباس