السلام عليكم ورحمه الله وبركاته
عندي راس مال تقريبا فوق الربع المليون والصراحه انا خاطري في سنبوك مع البحاره لان البحر فيه خير بس ابي حد يشجعني وعنده خبره ....او مشروع يكون دخله الشهري مضمون ... في مشاريع كثيره وعندي خبره فيها بس الارباح مب ثابته شهريا ....ابي مشروع للمستقبل
وعلى فكره عندي سجل تجاري ومكتب وفي كذا نشاط ....... واحب الي يفيدني ويستفيد...
اتمنى الي جاد يراسلني على الخاص
والله صدقت البحر في خير كثير وانا فكرت مره في مشروع شركه للصيد البحري ومافي في قطر شركه مهتمه بهالشي وسويت دراسه جدوى ورتبت الامور بس مثلك عارف راس المال جبان وكانت في هذيك الفتره الفرص الذهبيه وايد من بورصه وسوق العقارات فصرفت النظر
على العموم انا عندي مبلغ نفس مبلغك اقدر اساهم وياك ونفكر في مشروع واذا حد جاد حاب يدش اوكي
بس لي وجهه نظر للجميع لادش بكامل راس المال
في طريقه كل واحد يقط 10000(عشره الاف ريال بس) لطراد واحد بس مع المكاين والثلاجات وعده الصيد
وعاملين وكل واحد يكون له يوم يكون مشرف عليهم كخطوه ونظم اليه البيع في سوق السمك
وفي مشاريع وايد وحلوه بس يبلها تفرغ
انا تعمدت ارد ف العام مش في الخاص عشان اذا حد عنده الرغبه يدش ويانا او عنده افكار افضل ليش لا
على الرحب والسعه
انا قطري ويحق لي لاتباهيت
لي الشرف لو افتخرت بلادي
اطرب بها ليمن نشدت وتغنيت
يزهى بها شعري ويشفي مرادي
ياهلا ومرحبا فيك والله يعطيك العافيهالمشاركة الأصلية كتبت بواسطة مخطط قطري
انا عندي طراد 27 قدم درازي واروح البحر دوم واغاوص واصيد ماشاء الله بس ماجربت ابيع الحمد الله الخبره موجوده والمبلغ الي تكلم عنه عشره لاف ريال مايجيب لك طراد 18 قدم بعد حلاته سنبوك مع الهنود و150 قرقور اقل شي ... وشي حلو الي عنده افكار يفيدنا على العام
كبشينو
أنا دخلت في اكثر من مشروع
وخير شر متلقين شي يدخل لي ربح ثابت
حتى العقار بهدلني بشيكات بدون رصيد
ربح ثابت اجر بيتك على الدولة
هذا الشي الوحيد المضمون ( الي اشوفه )
وبرسل لك رسالة على الخاص
وبالتوفيق
اعتذر عن عدم القدرة على الرد ... لاني سأتوقف نهائيا عن الكتابة بالمنتدى
مع تمنياتي للجميع بالصحة والتوفيق
لا اله إلا انت سبحانك إني كنت من الظالمين
البحر شي طيب
بس بشرط تكون راعي بحر لو تبي خيير
اما لو تبي خير قليل ممكن تخلي حد يشرف عنك
و سمعت ان السنبوك يطلع للقطرين باقساط رمزيه
وفي مبلغ يجيك سنوي عشان تسوي صيانه للسنبوك
لان الدوله تشجع عيال البلد..بس شدووو الحيل
و مشروع ثاني
كرااج سيارات .. سمكره صبغ ومكانيكه
فكر وشوف احتياجات الناس
والله يوووفقكم
^_^
اكيد حلالك هاي لازم تباري .... وصحيح كلامك اخوي كل سنه في مبلغ تقريبا 15 الف لكل راعي سنبوك بس يكون من الخشب ومب فيبر
كراج حلو بس عباله وعور راس
ويعطيك الف عافيه اخوي ويوفق الجميع ان شاء الله
والله اخوي فكرتك من اقوى الافكار بس يبيلها صبر
وحاليا بنك التنمية يدعم بقرض بدون فوايد لتوفير مكاين ومعدات للسمبوك
ويوصل القرض الى 200 الف روح عمان بشرط يكون معاك واحد عنده خبره
ودور لك سمبوك من هناك وييبه شحن بس الله اعلم كم بيكلفك
خير البحر وايد ...
بس تعاقد مع احد الفنادق او المطاعم البحريه .؟
وتفاول خير ..
هذا سبنوك ..
http://www.aqarcity.com/t484271.html
اكيد البحر يبيله صبر ... بس والله مادري اسعارهم في عمان ارخص ولا البحرين بس ارخص من الدوحه بيكون ... والله يعطيك العافيه اخوي
تبي الصراحه مايحتاج تتعاقد مع حد نزل في السوق احسن لك لان كل 3 ايام تنزل الدوحه اذا عندك سنبوك
وشكرا بارك الله فيك
ضوابط المشاركة
رد مع اقتباس