لا وقت للراحه (قطر تتقدم بطلب رسمي لاستضافة كأس العالم لكرة اليد عام 2015)

[ذيب ولد ذيب]

إذا أي انسان عنده وجهة نظر أو موب عاجبه أمر من الأمور في بلادة يعتبر ماعنده وطنية...

أكد لك إن مافيه إنسان على وجه الأرض عنده وطنية وماكان شفنا احزاب معارضة أو صحفيين يكتبون ويعارضون....

ياخوي ترى بعض الي معارضين لبعض الأمور عندهم وطنية اكثر من غيرهم وعندهم غيرة على بلادهم وحب له يخليهم يتكلمون...

الكل يعرف إن سمو الأمير وعد بالبرلمان وسوف يأتي آجلاً أم عاجلاً ،،، فهل تريد من اعضاء البرلمان أن يكونوا على رأي واحد ويصفقون لأي قرار تتخذه الحكومة أم انه يجب أن يكون هناك معارضين وهل ستتهم المعارضين منهم لبعض قرارات الحكومة بعدم الوطنية والتخاذل ؟؟؟

وإذا مافيه معارضين يقعدون في بيوتهم احسن وبلاش برلمان..

اعتقد انك وجهت (كــف) في وجه كل من يرقص على انغام (التخاذل) !!!

[ام السعف]

من قالك ماهمنا غير الرياضه قطر مبدعه في كل المجالات طلعلي دوله خليجيه تحتظن جامعات ولديها مدينه تعليميه مثل قطر.

طلعلي دوله خليجيه تستثمر بعقارات عالميه ضخمه ولديها مصانع واستثمارات بالغاز مثل قطر



تدري من الاخر عطني دوله خليجيه مبدعه في مجال افضل من قطر؟

يصير اعقب على كلامك بعد اذنك ؟


الجامعات السعودية تخرج لك طلاب على كفاءات عالية دون تعطيل
من سات او بات او امجد خان الله يرحمه ،،

الامارات عندهم جامعات تخرج طلابهم الاماراتيين ويشتغلون اطباء ومهندسين
ومدرسين ومبرمجين ،،

انت خذ لك لفة على الجامعات في دول الخليج وشوف مخرجات التعليم
عندهم قبل ما تتهمهم ان احنا افضل جامعات عندنا

[شرشووووورة]

ما احب اكون متخاذلة

عندنا افضل الجامعات

[ام السعف]

بالتوفيق يا قطر والى الامام

بعض الناس عنده مشكلة بالتفكير ويمكن اصلا مايفكر بس يردد مايسمعه من هنا وهناك ويتبنى افكار الغير , مسكين كل شي عنده سلبي ويشكك بكل شي ومايشوف اي جانب ايجابي في اي موضوع بس ينتقد !

ياترى هالانسان يقبل ان الناس تعامله بنفس الطريقة وبس تتكلم معاه في سلبياته وعيوبه وجوانب النقص و عمرها ماتذكر اي شي ايجابي فيه ؟!

في النهاية كل شي له ايجابيات وسلبيات وهذا شي طبيعي

سبحان الله اشوي اشوي بتخلون اللي يخالفكم الراي
اقزام او ذرات مالهم حق في التعبير ،،

المشكلة لما ننتقد الغير واحنا اولى بالانتقاد ،، لما ابي غيري يحترم رايي
وانا اقلل من رايه ،،

اللي مع بكيفه محد بيقول عنه متخاذل واللي ضد ما يحق لكم تقولون عنه
متخاذل،، اعتقد الطريق طويل لاستيعاب هذه القاعدة ،،

من غير تشكيك في قواكم العقلية او اتهامكم بالنرجسية وحب الذات
ورأيي صواب ورأي غيري فليطمسه الطوفان وتبلعه الدوامات ،،

عني اقولها بأعلى صوتي ،، ما في شي ايجابي في خرابيط الصرف على الرياضة
عاد بتقولون عني متخاذلة بتقولون عني خبلة بتقولون عني انتحارية
هذا رايي ومن حقي اني اعبر فيه

ابني لشباب البلاد مراكز اتطورهم في مجالات العلوم والدين والفقه
ولا ابني ملعب واحد ؟

ابني مراكز لتطوير النشئ وتعليمهم اساليب التعامل مع الكمبيوتر
ولا ابني ملعب واحد ،،

لكن بنفس الوقت احترم رغبة غيري في بناء ملعب يشل الفريج حزة الترويح
عن النفس بس مب ضمن مخططي الانتخابي

هذي وجهة نظري وهذه تطلعاتي وان كانت تخالف التطلعات العالمية

شكلي عبرت عن طموحي بصوت عالي

[بصمة قطرية]

ماراح نقول غير اللي قلناه قبل ..

~ الله يكتب اللي فيه الخير لقطـــر ~

يا جماعة صلوا على النبي وماله داعي هالحساسية وكلن يعلق على رد الثاني ~

كل شخص نظر للموضــوع من زاوية مختلفة ~
وكل شخص عنده قناعة شخصيــة ووجهة نظــر ~

يا ريت نرتقي شوي بالإســلوب بدل ما كل واحد يقط كلمة وفي الأخير ~

~ يحذف الموضـــوع ~ .. !!!

[شرشووووورة]

بعض النظر عن المونديال

التطور جاي جاي

لان رؤية قطر 2030 تبشر بهذا التطور .. حتى بدون مونديال

ولا اعتقد انهم بينتظروون حتى ذلك التاريخ للبدء

ولكن المونديال سيحفزهم للعمل لان المونديال عهد قطعناه للغير ويجب ان نفي به

بينما الرؤية لنا .. وان شاء الله يوفون به


وما نكون مجرد مشاهدين ومؤيدين ومشجعين

ولكن نريد ان نكون فاعلين ومشاركين


وبس هذا اللي عندي

[كازانوفا]

[جـوليـآن قطر]

الله يكتب اللي فيه الخير لقطـــر ..
ويـآليـت يهتمـون بالمواطن شـوي

[هدهد سليمان]

نبي استضافة لأفضل اطباء العالم .. نبي استضافة لأفضل مهندسين طرق .. نبي استضافة لأفضل منظمي البنية التحتيه .. نبي استضافة لإلغاء الاشارات والدورات والزحمه .. نبي استضافة للمبدعين القطريين وتمويل افكارهم ..

[ام السعف]

نبي استضافة لأفضل اطباء العالم .. نبي استضافة لأفضل مهندسين طرق .. نبي استضافة لأفضل منظمي البنية التحتيه .. نبي استضافة لإلغاء الاشارات والدورات والزحمه .. نبي استضافة للمبدعين القطريين وتمويل افكارهم ..

انت وايد مثالي ومافيك روح الرياضة