{ بليــــــز يامستر ميتســو قفــض اغراضــكـ وارحــل بـكل احتــرام } ~

[مخطط قطري]

اول شي المباراه امس كانت قويه وقاتل المنتخب القطري فيها وكانو متحمسين وماقصرو
بس مع الاسف شامي اهداهم الفوز وماقصر وافسد علينا المتعه
انا مب متحسف على المنتخب متحسف على سمو الشيخ جاسم الي تكلف على عمره وسافر عشان المنتخب

[شنايدر]

الموضوع معقد واكبر من مجرد رحيل المدرب او تغييره

كرة القدم مثلث يعتمد على 3 اضلاع الادارة والمدرب واللاعبين

اهم شي والاساس هو اعداد قاعدة وخطة لتخريج جيل من اللاعبين القطريين

المنتخب السعودي على سبيل المثال وعلى الرغم من اني ما اشجعه ابدا ولكن الحق ينقال في كل بطولة يطلع لنا بأكثر من لاعب جديد ومستواهم اكثر من جيد

بينما منتخبنا من 10 سنين في 30 لاعب وكل بطولة يختارون منهم 20 !!!

وكل لاعب ضامن مكانه ومايهمه مستواه ولا لياقته ولا اكله ولا اي شي

لازم نفكر صح ماهو مدى تأثير المدرب ودوره وكم ممكن يغير ! في النهاية اللعب في الملعب واللاعبين هم الاساس

تجربة التجنيس والله اعلم تم اللجوء اليها ربما لتحقيق البطولات والا فاحنا دايما كان في عندنا لاعبين قطريين مستعدين لتكوين منتخب او اثنين او اكثر بغض النظر عن المستويات

طيب جربنا التجنيس خلال كل هالسنوات وماوصلنا كاس العالم ولا خذنا كاس اسيا يعني مافي انجازات كلها بطولة خليج مالها قيمة دوليا و ميدالية اسياد ! يعني لو كنا لعبنا بابناء الوطن وصنعنا فريق وكانت عندنا قاعده من اللاعبين كان افضل بكثير

والله انا اعتقد ان حتى المدرب الوطني ممكن يؤدي الدور المطلوب

حان الوقت لقانون التقطير لان يشمل المنتخب الوطني لكرة القدم ! يا اخي ولد البلد حتى لو مايحقق شي راضيين على الاقل يطور من نفسه ويمثل بلاده ويشرفنا قدام الناس

اما الاجنبي اللي تندفع له مبالغ كبيرة وياخذ مكان اللاعب المواطن وفي النهاية مايحقق اي نتيجة فهذا عليه علامة استفهام

مع احترامي وتقديري لكل العاملين على منتخبنا الوطني لكرة القدم حان الوقت للمراجعة والتقييم وتغيير الوضع الحالي للأفضل باذن الله

وصراحة هذي شوية خواطر من القهر , والله تضايقت جدا امس مب بسبب النتيجة ولكن بسبب الاداء وكنت اقول حق نفسي كرة قدم مجرد رياضة مب مهمة ولكن لما الواحد يشوف اللون العنابي واسم قطر متأخر ومتراجع يحزن غصبا عنه ! كلنا نتمنى نشوف اسم قطر في المراتب الاولى في كل مجال حتى في الرياضة وخاصة انها تلقى كل الدعم المطلوب من المسؤولين الله يوفقهم جميعا

.........

[الأصيلة]

مقاول ميتسو شل اغراضك وفارقنا

اغراضه كلها أنواط زرقا...

[Arab!an]

اغراضه كلها أنواط زرقا...

خضرا وانتي الصادقة

[بودندن]

عندي حل لهذه المشكلة بالوقت الحالي نجهز منتخبين لقطر منتخب من القطرين ومنتخب حق اللي يبغي المجنسين ونشوف النتيجة للمنتخبين واللي يبغي يشجع القطري يروح الملعب اللي فيه القطريين واللي ما يبغي يشوف المجنسين خلي اللي مجنسهم يتابعهم بالملاعب ويبع ويشتري فيهم .

[FAUCHON]

انا اشووف يدعمون اللعيبه القطريين

شفتو كيف لعب جار الله المري وابراهيم الغانم والسليطي وفيه كثير غيرهم

ما خذنا شي من الاجانب الا انهم سجلو في مرمانا

وانا اشوف من عقب ميتسو مورينيوو

[qatari 111]

اتمنى يكون مدرب المنتخب من لعيبة منتخبنا الاوليين واهم شي يكون عمره مايتعدى ال50 سنه
لانهم الصراحه لديهم روح الوطنيه وثاني شي اتمنى تدريب المنتخب اللياقه البدنيه من قبل ضابط عسكري علشان ينضبطوون مثل اللعيبه الاولين القدامى كلهم كانوا عسكريين كانوا يبيضون الوجه وبنفس الوقت عندهم الولاء للوطن .

[سهم بن سهم]

في مدربين قطريين جالسين في كوفي شوبات المجمعات التجارية لا شغلة ولا مشغلة مساكين .... عطوهم فرصة التجريب في المنتخب مثل ماعطيتو ميتسو يمكن ينجحون .

يبه مايصح إلا الصحيح ومايحك ظهرك إلا ظفرك ( أهدافنا جات بأقدام ورأس ابناء الوطن المري والغانم )

عطو فرصة المدربين القطريين لتشكيل منتخب مكون من 22 لاعب قطري مش مجنس وبعدين شوفو النتيجة .

هناك مدربين مركونين على الرف ويحتاجون للدعم .. لاتقولون مايفهمون شيء ومايقدرون يسوون شيء .. هذا ميتسو ماسوى لكم شيء !!!

هناك مدربين اشوفهم في الكوفي شوب في المول وأعتقد الكوفي شوب والمول مش مكانهم ومكانهم المعلب ( المدرب القدير عيد مبارك . وعبيد جمعة مساعد ايفرستو سابقا ) وهناك مدرب صنع مجدا للنادي العربي في فترة ما ( عبدالله سعد ) وهناك عبدالله مبارك المظلوم في الأهلي وأحس بانه ليس مكانه الأهلي لأن الأهلي له مشكلته في إدارته وناسه وليس في عبدالله مبارك .

مايحك ظهرك إلا ظفرك قالوها ابناء قطر في خليجي اليمن

[fhd4]

عندي حل لهذه المشكلة بالوقت الحالي نجهز منتخبين لقطر منتخب من القطرين ومنتخب حق اللي يبغي المجنسين ونشوف النتيجة للمنتخبين واللي يبغي يشجع القطري يروح الملعب اللي فيه القطريين واللي ما يبغي يشوف المجنسين خلي اللي مجنسهم يتابعهم بالملاعب ويبع ويشتري فيهم .

أنا رايي يلعبون ضد بعض ونشوف النتيجة ... ونشوف بعد الجمهور أي فريق يشجع ...


والله انها بتكون وناسة ... الفريق العنابي الأصلي ضد الفريق العنابي المصبوغ ...

[نمـر]

مالت على البمبر والله فضحونا