بسم الله الرحمن الرحيم :..
السلام عليكم جميعاً :.. والله يعينكم على هالتقرير :.. لأنكم شكلكم بتنتظرون الأجزاء وايد :..
مب نفس تقرير تايلند خلال يومين كان خالص :..
لأن حصيلة الصور القابله للعرض فالمنتدى = 800 صوره :.. ويبيلهم تصغير وكتابة إسمي :..
بس قولو إن شاء الله أخلص بسرعه :..
قبل لا نبدأ أحب أوجه شكري لأختي خشوف :.. تقريرها فادني وايد :..
مع بعض المعلومات من مواقع ثانيه :.. وسويت ورقه فيها المعلومات اللي خذتها :..
وشكر خااااااص لأخوي Moyen Orient المتواجد في فرنسا ( الله يوفقه )
الصراحه ماقصر معاي و بيض الله وجهه :..
الحين نبدأ :..
السفره كانت إلى باريس مع زوجتي لمدة 9 أيام :.. من 12 إلى 20 نوفمبر 2010
على الخطوط القطريه :.. الدرجه السياحيه بـ 9200 ريال للتذكرتين :..
هي المفروض تقريبا بـ 7500 عالنت لكني تاخرت وحجزت التذاكر قبل يومين من السفر من ريجينسي :..
السكن كان من بعد مشاورات في كلاريدج :.. في قلب الشانزيليزيه :..
ستوديو ديلوكس بـ 15200 ريال لـ 8 ليالي :.. عبار عن غرفه واسعه مب ضيقه مثل ماتوقعت :..
وحمام الله يعزكم ومطبخ وطاولة مكتب :.. و قعده صغيره :..
المهم تقريري هذا إن شاء بيكون عباره عن أجزاء :..
يعني كل جزء بيكون عن مكان زرناه مع بعض الصور والشرح فالبدايه :..
بسم الله :..
البدايه :..
سويت التشك إن وخذت البوردينج قبلها بيوم من على موقع القطريه :.. وإختر الكراسي :..
وخذنا معانا من الدوحه شوية تموين :.. المطار كان زحمه وايد :.. مع إن الرحله كانت فالصباح الباااكر :..
التكسي من المطار للفندق بـ 40 يورو :.. وصلنا الفندق الساعه 3 العصر وقالو التشك إن الساعه 4 :..
خذنا لفه ورجعنا :..