القصيده للشاعر رضا طارف الشمري ينصح ابنه عبيد ..


يقول ...



ياعبيدواسمع جابتي لاتغوابه
هديةٍ من والدٍ منصحٍ لك

ياسرت في ليلٍ كثيرضبابه
اتبع طريق اللي طريقه يدلك

وجنب عن اللي مثل طبع الزلابه
لوكان بايام الرخا جايزلك

ماهو سليم لو ضحك لك بنابه
يقضي بك الحاجه وثم يحبل لك

ورفيقك الصاحي تحمل عتابه
خله أليا شان الزمان افزعٍ لك

ولاتستمع لمفرقين القرابه
تكره طويلين الشوارب محلك

الحكي هوساس الدبور وذهابه
ملزوم عن حزمة غصونك يفلك

ويمنى بلا يسرى كثيرٍ عيابه
والرمح يا اخطت حربته ماطعن لك

والسيف ياخلت يمينك انصابه
تهت وتبين للمخاليق ذلك

ولابد من يومٍ تعاوى الذيابه
وكانك ضعيفٍ مقصدك مايحصل لك

ياقام كلٍ يفتخر في حرابه
خل الحراب الفاريه مسهم ٍلك

ورم المعالي والخطر لا تهابه
لو وسط غبات البحر يذكرن لك

موت الفتى بالعز عز ونجابه
يسوى الحياة اللي زمانه يذلك

وانص البيان وكب عنك الخرابه
وبالك تقارب واحدٍ يستملك

الحر مسكانه عوالي هضابه
وابا حقب برض الطمان ايتدلك

من لاادرك الطولات باول شبابه
خاب وخسر بالمرجله ماتملك

ولاتحسب الدنيا دوامٍ خصابه
الغيم يمطر والوطى زاهيٍ لك

ياسرع من عقب السكون انقلابه
لاتوهمك لذة ليالٍ صفن لك

لابد ماتقضع صديقه بنابه
لازم توريه الطنا لو تفلك

جميع تاريخه قرينا كتابه
ناسٍ بها ترحل وناسٍ تملك

وروح الجواب اللي ضميري هذابه
نصايحٍ من عندنا يصلحن لك

يا الله يامنشي روايح سحابه
ياواحدٍ كل الملا راجعٍ لك

تجعل لنا ذا الوقت عز ومهابه
وبالاخرة في مامن حدر ظلك

يوم ان كلٍ مستمرٍ حسابه
يرجون عفوك والبصرشاخصٍ لك

احدٍ يقدم في يمينه كتابه
واحدٍ كتابه بالشمال وتهلك




,,