سهم إعمار

**قطري** · 27-02-2005 05:59 PM

شكراً لك اخوي على تجاوبك وتوضيحك
يعطيك العافيه

**زعيم البورصة** · 28-02-2005 12:15 PM

يا شباب شلون اشتري بشركة اعمار ارجوا مساعدتي

**qatari1** · 28-02-2005 01:29 PM

أخوي زعيم البورصة...
سبق جاوبت على السؤال في نفس الموضوع....
دور على الجواب بنفسك

تحياتي

**المستثمر القطري** · 28-02-2005 01:35 PM

ممكن نعرف وين نقدر نشتر اسهم اعمار و حنا في قطر

eXpert* · 28-02-2005 02:57 PM

المشاركة الأصلية كتبت بواسطة المستثمر القطري

ممكن نعرف وين نقدر نشتر اسهم اعمار و حنا في قطر

اخي الكريم ما تقدر تشتري وانت في قطر !!! السبب انه لازم تروح اهناك علشان تفتح لك حساب ستثر في بورصة دبي وبورصة ابو ظبي او واحد منها ( على حسب انت وين ناوي تستثمر )

وللمزيد من المعلومات ارجع لاول صفحه من الموضوع .

واي استفسار انا حاضر

**qatari1** · 01-03-2005 02:52 AM

شباب...
وايد تسألون عن بورصة دبي وأبوظبي وطريقة الشراء.
شفيكم ما تقرون وللا مأثر عليكم حلم التخصيص؟؟؟!!!
عموماً هذا الرد كتبته في نفس الموضوع، وبما انكم عيزانين تقرونه...
هذا كان ردي.. نسخته هنا مرة ثانية...

أخي العزيز راشد السليطي(علامة مسجلة)
أضحك الله سنك أخي العزيز....
أملاك ممتازة جداً للمدى الطويل، خذه وانساها، بس مهب تروح هناك وتاخذ لي 2000 سهم!!!!!
خذ لك كمية حلوة وانساها.....
والله يوفقك إن شاء الله...
واذا تبي نصيحتي روح سوق دبي المالي(مكانه في برج راشد أو مركز التجارة العالمي-الدور الأرضي- شارع الشيخ زايد، وطلع رقم مستثمر، وبعدين روح سوق أبوظبي للأوراق المالية(فرع الشارقة) وهذه معلومة قليل اللي يعرفها، طلع رقم مستثمر في سوق أبوظبي بالمرة، واختار لك أي وسيط، أرشح الشرهان للأسهم، وهو يشتري لك أسهم في البورصتين، وتقدر تشتري وتبيع في البورصتين....
بس ثرى ما ياخذ كاش، إما شيك مسطر باسم مركز الشرهان للأسهم أو تروح تودع المبلغ في حسابهم في بنك أبوظبي الوطني-فرع البحيرة-الشارقة مقابل القهوة الشعبية، وعطه وصل الإيداع...وانسى بعدها تقدر تبيع وتشتري بالتلفون بكل سهولة.

أتمنى تكونون فهمتوا....

**المستثمر القطري** · 01-03-2005 04:45 AM

نتائج تخصيص ناقلات قبل نهاية الأسبوع

أكد السيد فيصل السويدي مدير عام قطر غاز ان الانباء التي ترددت مؤخرا عن حجم التخصيص في ناقلات عبارة عن اشاعات مشيرا الي انه قبل نهاية الاسبوع الحالي سيتم صدور بيان بالتخصيص.

ونصح السويدي المستثمرين بعدم الاستماع للاشاعات وانتظار صدور البيان الذي هو في طور الدراسة والتدقيق حاليا، لافتا الي ان ناقلات اتخذت من الشفافية عنوانا لها في كل خطوة من خطواتها.

هذا اخر خبر عن ناقلات ....

فخلكم من الاشاعات لين اخر الاسبوع و ماباقي شي

**qatari1** · 03-03-2005 03:32 AM

شدخل الناقلات في سهم إعمار!!!!!!!!!!!!!!!!!!!!!!!!!!!!!!!!!!!!!!!
غريبة والله.

**قطر** · 05-03-2005 04:42 PM

موضوع ممتاز وانا كنت ابحث عن طريقة التسجيل في بورصة دبي

بس سؤال ......... لحد ايعصب علي

الحين ايش قصة مبنى استثمار السيدات ...اللي اعتقد صار اسمه اموال؟

هل يقدرون هم يفتحون لي حساب؟

ويريحوني من الروحه والجيه؟

وبالمناسبة املاك كم سعرها؟

ومتستغربون معاي موقع دبي للاوراق المالية بطيء وقديم ؟

انتظركم

المستثمر القطري كنه فاتحه شاشتين ويبي ايرد هناك ردي اهني
اعذروه

**tamer_dohaa** · 21-04-2005 12:23 AM

من وين في قطر نشتري سهم اعمار؟
دلونا يا جماعة الخير

الموضوع: سهم إعمار

أدوات الموضوع

عرض

ضوابط المشاركة