(الحب) مثل (الموت) ما بينهم فرق ..!!!!!!

[موضي قطر]

قالوا توجّه قلت ودي على الشرق
أفرح اليا سقت الركايب مشرّق


أحب ممشى الشرق عن جملة الطرق
حبٍ لجا في وسط قلبي و ورّق


من حب ريمٍ طارقٍ مهجتي طرق
حبه على شريان قلبي تطرّق


أصارع الهاجوس وأجاوب الورق
حسبي على اللي للحبايب يفرّق


من ينقذ اللي في بحور الهوى غرق
كنه سجينٍ بالكلام ايتشرّق

خشفٍ سرق قلبي على غفلتي سرق
وإن جيت يمّه عن عيوني تدرّق


طالعت فيه وطالعت عيني البرق
وقفّيت منه ودمع عينه تزرّق


والحب مثل الموت ما بينهم فرق
مير المُحب بحالته ما يبرّق !

شبيب بن شاهر السبيعي

[الألماسي]

صح لسانه .. و لا هنتي يا موضي على هـ النقل

[موضي قطر]

صح لسانه .. و لا هنتي يا موضي على هـ النقل

ومن قال ... نورت يا الألماسي