سالفه تعور القلب

[vtc_4.8]

السلام عليكم ورحمة الله وبركاته ...

بقولكم اليوم سالفه صارت حق ناس اعرفهم وهالكلام من سنه يمكن

السالفه الله يسلمكم انه الأب بعد ماتخرجت بنته حصلها شغله في احد الدوائر الحكوميه والرجال في الاربعينيات والله ناعم عليه

المهم بعد اسبوع من توظيف البنت انه في شاب مصري ماصار له وايد في قطر كان معاها في الدوام وبينهم احتكاك بسيط وكلام عادي المهم انه الشاب المصري اعجبته البنت وقالها انه ابيج على سنة الله ورسوله البنت انصدمت وخذت السالفه عادي كلمت ابوها وقالتله السالفه انه المصري يبغي يتزوجها وطبعا ماخذينها هم الاثنين الموضوع عبط ... بعد فترة كلمته وقالت له ابوي موافق وعطته رقمها المهم انه تم يتصل مادري اذا تكلمو مع بعض عاد المهم ابو البنت راح بلغ على هالشاب في الشرطه وبتهمه انه يتحرش في بنته ويزعجها (طبعا هالكلام والبنت تدري) المهم ياطويلين العمر المصري انمسك المسكين اطردو من الشغل المسكين وتم ابعاده من البلاد والله عليهم قلب ظاااالم

بعد شهر ونص تقريبا ابو هالبنت صادته جلطه فالمخ بدون سابق انذار مع انه مهتم في صحته واايد ويمشي في الفريج دايما .. وراح اوروبا ودول شرق آسيا عشان يتعالج وحالته كانت وايد سيئه لدرجه انه مايعتمد على نفسه في اي شي وكله ينسى .

والرجال حالته هالفترة احسن

وانا والله احس انه كله من دعاوي هالمصري المسكين .. كم شخص كان يعول في مصر ؟ وكم شخص معتمد عليه وحزن امه وابوه عالي سووه فيه اكيد دعوة المظلوم مستجابه


الخلاصه ياجماعه حاسبو من الظلم وهاي شي مب بسيط وينااقض دينا الحنيف وللأسف الظلم في وايد وايد اماكن قاعده تصير
ثبت في الحديث عن ابن عباس - رضي الله عنهما - أن النبي -صلى الله عليه وسلم - بعث معاذاً إلى اليمن وقال له : ( اتق دعوة المظلوم ، فإنها ليس بينها وبين الله حجاب ) رواه البخاري ومسلم .

والله يحفظكم جميعا

القصة حقيقية ولناس اعرفهم واسمحولي ماذكرت بعض الاشياء

ان شاء الله عجبكم الموضوع