على خير أشوفك كان حنّا من الحييّـن
مصير الليالي تجمع الحي مـع حيّـه
بقدرة ولي الكون رب البشـر والديـن
ألاهٍ سجدنا تحـت عرشـه وكرسيّـه
يقلّل سنين العمـر ولاّ يزيـد سنيـن
في ايديه الأمر ماهوب في ايديك وايديّه
وترى البعد بعد القلب ماهوب بعد العين
وأنا ابعدت عنّك وانت في قلبي وفيّـه
وأبوعدك وعد الحر والحر وعده ديـن
وبودّعك ذلحين وأوعدك فـي الجيّـه
لو أن البطا والبعد والمنتـزح والبيـن
تقطّع حبـال الوصـل وتغيّـر النيّـه
علي نذر ولاّ أقول تدري علي نذريـن
ماينساك قلبٍ وانـت ذكـره وطاريّـه
معي صبح ولاّ ليل ولاّ منيـن وويـن
تنقّل مابين عـروق قلبـي وعراويّـه
من الثلث ألأول لين يبدابـي الثلثيـن
وأنا أجلس مع طاريك ياحيّـك وحيّـه
أغني عليه يسار وأهرج عليـه يميـن
وألأشواق ماموره وألأحـزان منهيّـه
وأغمض عليك من الغلا عيوني الثنتين
وأرقّدك في ذيّه وأسهـر معـك ذيّـه
ولحّفك خمس ضلوع ووسادتك ضلعين
وأضمك شويّه وارتخي منّـك شويّـه
وتنثر شعرك ومعنزه ركبه وكوعيـن
وأشوفك وأقـول الله يعيـن الهواويّـه
وأذكرك قبل تنام تدعي وأقـول آميـن
تطيب الجروح اللي من الحب مكويّـه
وأذا الله راد وعاد حنّا مـن الحييّـن
علي بالحرام أنّي لعايدك فـي ضحيّـه
الشاعر / مبارك بن عيينان الهاجري
|
رد مع اقتباس
