الرخصة التجارية

[تاجرة صغيرة]

السلام عليكم ورحمة الله وبركآته..

الحمدلله طلع لي اليوم السجل تجاري...^_^

آحين عندي الرخصة التجارية..لازم اسوي عقد ايجار عقب اروح للبلدية صح؟؟

وأبي أعرف اذا وكلت مثلا مندوب يسويها لي جم تقريبا بياخذ علي..لاني ماأبي اتعب الاهل وياي ولا أبي بعد حد يقص علي..


وعسآكم ع القوة..

[تاجرة صغيرة]

ولا رد....=(

[نيسان قديم]

المندوب هو الي يقص عليج

[قطرية فذة]

صح خصوصاً انك بنت

[كبتشينوو]

اولا عقد اجار وبعدها البلديه

عشان رخصه التجاريه

ومن ثم الجوازات عشان

قيد المنشأه

[منــار]

مرحبا ..

اولا عقد الايجار لانه الرخصة ماتطلع من غيرها لانه مفتش البلدية لازم ياخذ زياره للمكتب

وبعد الرخصة التجاريه تاخذينها مع السجل التجاري للجوازات حق قيد المنشأه

والله يوفقج ..

[شموخ دائم]

,

,



مرحبا


من500 الى200 ريال للرخصه التجاريه اذا المحل داخل مناطق الدوحه

1000 ريال اذا التعامل مع بلديه الصناعيه لصعوبه الموظفين هناك والتاخير

تقريبا هذي اسعار المندوبين

معظمهم يطلب 500 ريال لان يروح المطافي والبلديه ويطلع ترخيص اعلان لوحه
وبعض موظفين البلديه ما يطلع المحل ولكن يطلب صوره للمحل من الخارج مع اللوحه
عشان كذا فيها مشاوير يطلبون 500 ريال

اطلبي من المندوب

1 انهاء الرخصه ( كامله )
2- والمطافي
3- رخصه اعلان لوحه
4 تصوير المحل
5 عمل نسختين من ترخيص البلديه

وتحتاجين عمل تفويض للمندوب بانهاء اجرائات الرخصه

وعندك سعر الرخصه اكثر الرخص للنشاطات سعرها 700 ريال

اذا حق سنتين 1400 ريال ( الاحسن تعملين سنتين ) ترتاحين من مشاوير التجديد

,

,

اخوك


شموخ دائم

[تاجرة صغيرة]

ويييي سوآلفهم وآيييده..=(

مشكووووورين ..ماقصرتوا والله..
=)

[محمد2009]

الموضوع بسيط انشالله بس انتي ابدي احنا يوميا مكتبنا يقوم بهالامور
وبخصوص ان الاجرات طويله فهي ممكن تكون طويله على حسب نوع النشاط والرسوم بسيطه باذن الله وانا من راي اذا عندج سايق خليه اهو اوديها او راسليني بالخاص بعطيج رقم مندوبنا انشالله يخلصج لان احنا مكتب تخليص معاملات ولاتخافين مب ماخذين عليج وايد والله يوفقج ويوسع رزقج ورزق كل مسلم

[jassimqtr]

اختي اول شي قبل ماتبدين بالمشوار شنو نشاطج التجاري وشنو مسمها شركه او مؤسسة
عقبه لازم تصورين المحل وتسوين اسكتش عند محل الخطاط يعني يسوي لوحه اعلانيه رسم ويركبها على المحل بالكمبيوتر (ولا تنسين شهادة العضويه فالغرفه التجاريه ورسومها 500 ريال .)
بعدين تاخذين الاسكتش مع عقد الاجار للمحل وتروحين وزارة البلديه فرع وزارة الاقتصاد تعطينهم صورة من السجل التجاري والاسكتش وصوره من بطاقتج الشخصيه وصوره من عقد الاجار وتعبين البيانات في الورق اللي بتاخذينها منهم في نفسس الوقت وتدفعين تقريبا 3000 ريال منها رسوم لرخصة البلديه ومنها لرخصة الاعلان الدائم اللوحه التجاريه بعدين تاخذين الاصل من السجل التجاري وصوره من رخصة البلديه وصوره من رخصة الاعلان والبطاقه الشخصه وتروحين الجوازات تاخذين قيد المنشأة ورسومها 200 ريال وانبهج خلي مدتها سنه او سنتين لانه نفس المبلغ وعقب تختمين على قيد المنشاة وتغلفينها وتكون هذي اخر خطوه للسجل التجاري او للاوراق الرسمه للشركه

وعقب ماتخلصين من هالامور لازم مترين لمحل طباعه تسوين اوراق رسميه مثل لترهد وفواتير وسندات صرف وقبض واضرف هذي مهمه وايد في معاملات الدوائر الحكوميه
واي استفسار حابه تعرفينه عن هالامور ممكن اساعدج خطوه بخطوه