الى حريم شبكه الاسهم

[$بنت شيوخ$]

أرجو من حريم المنتدى مساعدتي عندي مشكله في صحون التطريش أبي صحون فخمه ولها غطى حق ألأكل أشتريت من سنتين من زهران كله صار حلي يعني اسود وتغير لونه ورحيته الي تعرف محل يبيع مواعين حلوه مثل زهران بس ماتحلى ويتغير لونها تخبرني ولكم جزيل الشكر

[Miss]

السووق القديم فيه اشيااء حلووة ومحلااته حلووة جربي وشووفي

[كازانوفا]

ان شالله بقيه العضوات يفيدونك

[آنــه]

حبيبتي العيب مب في صحون زهران
ترى انا عندي مواعين زهران من 15 سنعه ولا فيهم اي شي
العيب في طريقة الاستخدام وطريقة العسيل
كل المواعين يبيلهم تنضيف بطريقه زينه وتنشفينهم من الماي أول بأول
السواد يجي من الطباخ او من تعريضهم للحراره وانج مخليه الماي عليهم


واذا تبين مواعين حلوه تلقين في الاصاله ولا في العزيزيه اظن اسمه بو جاسم

[$بنت شيوخ$]

مشكورين حبايبي الي عنده معلومات بعد ياريت مايبخل علينا

[القطرية]

روحي محل ( اواني ) اللي في الخريطيات صج صغير بس عنده اشياء حلوه

و عندج اكسبو في السيتي سنتر

و العام الجديد و دوحه سيتي

بعد عندج البيت الحديث ( عسكر )



بس القهر لين طرشتي مواعينج و لا ردوها لج

[وبشرالصابرين]

عزيزتي تقدرين على ما اعتقد انك تنظيف مواعين زهران عند الصفار وترجع لك جديدة