مهرجان صيف قطر ؟؟ حق vip

[عسولة]

صباح الأنوار ع الجميع

ياجماعة حد يناقشني في موضوع " أسعار ألالعاب في مهرجان الصيف " بأمس رحت
المهرجان وشفت عجب العجاب في المهرجان الصرااحة الأسعار ناااااااار ليش هاي كلة ؟؟؟ كفاية ان الواحد مايقدر يسافر من الظروف اللي فيها ؟؟ مع ذلك مايخلص من السلب والنهب في الألعاب ؟؟؟ يااااخي في ناس تقدر تدفع وفي ناس ظروفها ماتسمح ع الأسعار ؟؟ يعني وديت اليهال امس كل لعبة ب15 او عشر ؟؟ فذمتكم كم لعبة بلعب الياهل اذا عندك اكثر من 4 اطفال او 6 ؟؟ واللة حرااام وين المسئولين وووين اللي يشجعون ع السياحة في قطر .... حتى المجمعات صايرة نار """" الظاهر عشان ماعندنا اماكن سياحية صاير الأستغلال
" حتى اسعار الأكل صاير ضو .. شريت فطيرة وحدة ب15 ريال اشدعوة جايبينة من المريخ ؟؟
" ياااخي راعونا اصحاب الدخل المحدود اللي صرف فوق 1000 ريال في الهرجان امس عيل شو بقى حق اخر الشهر ؟ظ ولك التعليق

[عسولة]

يرررررررفع

[wadha-qa]

للاسف احس الدوله في صف التجار ضد المواطنين يقدرون يحطون قوانين صارمة لحماية المواطن من جشع التجار بس ما يبون !!

[المزن الرياني]

دام شفتي الاسعار غاليه .. ليش ماطلعتي ؟!
تهقين لو كل واحد شاف الاسعار غاليه وخذ عياله وطلع كانوا بيستمرون بأسعارهم هذه ؟

مشكلتنا ندفع وعقب نجي نتشكى

[عاشقة الخور]

وفعلا صدقتي ياعسولة ؟؟ ماافي مراعاة للمواطن ترى مش كل واحد يقدر يدفع ؟؟ في ناس ظروفها ماتسمح واذا كل واحد دش مكان سياحي وشاف السعار نار بيطلع عيل ووين يروحون عيالنا يرحون الكورنيش في هاي الجو الحار ؟؟ " سبحان اللة حتى الألعاب مقتصرة ع طبقة معينة ؟؟ لازم عيالنا يعانون نفس ماحنا انعاني

[أم شيوخ]

والله صارت الفلوس مافيها بركه
قبل الالف اتم فتره وتشتري فيها الي تبي الحين والله في طلعه وحده يادوب تكفي...
خصوصا الجمعيات
انا عن نفسي متزوجه وعايشه في بيت اهل زوجي وصرفنا مب على كل شي والله بس نروح الجمعيه اقل شي 700 على حليب وحفاظات واكل حق اليهال وشامبو بس لا خضره ولا فاكهه
ويوم قالولي بعد عن المعرض قلت حرام والله عيل الي عندهم 5 او 6 يهال ودخله كلش قليل في خاطره يودي عياله بس شنو بيحكم عليهم لعبه لعبه بعد حرام

في دول مجاوره والله والله لو تدفع شنو فلوسهم فيها بركه واحنا مادري شنو صارلنا
وهالتجار شفط في فلوسنا

[عسولة]

وش عاليهم التجار مرتاحين عيالهم مصيفين في فرنسا والمانيا وعيااااااالنا يعانون من جشعهم ؟؟؟

[الـقـاسـي]

ترى منتدى واحد ليش منزله موضوعين

[عسولة]

عشان اللي مايشوف عدل او ماينتبة ينتبة عدل " والثالث بنزلة اللحين "

[تاجر]

بالفعل الاسعار مبالغ فيها .. واعتقد نزلوا الاسعار مثل ما قريت في الجريده ..

حتى لو كنت مقتدر على الاسعار .. هذا ما يمنع اني ادور على التوفير .. واتكلم لان في غيري ما يقدر يصرف هالمبلغ مثل ما تفضلتوا اذا كان عنده اكثر من طفل واكثر من لعبه ..

الله المستعان