ألا ياونتي ونة عليل القلب معتله
علا همه ومحد يمه وحيدٍ في تعاليله
ظلام الليل ونجومه ولا غيره صديقٍ له
لها يبكي ولها يحكي ولها يشكي غرابيله
تهرب منه وتخلى جميع اللي تزهل له
وظل بخيبته واقف عصت رجلينه تشيله
تلفت ما حدٍ حوله ومن حوله ظهر مله
حسايف كلهم شايف ولافكر حد يجيله
لهيب الشوق يسوقه سوق يهين القلب ويذله
عزيزٍ كان لكن هان تحطم وانهدم حيله
ألا يا للي على بالي ترى حالي على حِله
على خبرك ترى انتظرك سنين الوعد أو ليله
أبنسى كيف أبنسى من سمى سمته عن الزله
وروحه راحتي ، وراحي براحاته وروحيله
على عهدك على وعدك على ميعادنا كله
ترى صنتك وما خنتك ولا بيّت تبديله
|
رد مع اقتباس
