♥♥ ●۩۝۩●۩۝۩● [[ مـائـدة شـبـــكة الأســهم الـقـطــــريــة ]] ●۩۝۩●۩۝۩● ♥♥

[JN000N]

امس كان عندنا عزيمه لان اهلنا من البحرين والسعوديه عندنا

فسوينا اشكال وانواع الاطباق كل شي شغل بيت حتى السويت ما عدا الطبخه كانت فالمطابخ الشعبيه لان الطباخ مسافر وكانت مجبوس لحم وسوينا حق الي ما يبون لحم مجبوس هامور شي شي كان لمثل حالتي بما اني ما اكل لحم خخخ
ما قدرت اصور كل شي راحت علي اصور المحاشي (ورق عنب + محشي كوسا وملفوف )

حياكم مدو يدكم على كل شي الا السويت ههههههههههههه اتغشمر

[بوعلي2]

امس كان عندنا عزيمه لان اهلنا من البحرين والسعوديه عندنا

فسوينا اشكال وانواع الاطباق كل شي شغل بيت حتى السويت ما عدا الطبخه كانت فالمطابخ الشعبيه لان الطباخ مسافر وكانت مجبوس لحم وسوينا حق الي ما يبون لحم مجبوس هامور شي شي كان لمثل حالتي بما اني ما اكل لحم خخخ
ما قدرت اصور كل شي راحت علي اصور المحاشي (ورق عنب + محشي كوسا وملفوف )

حياكم مدو يدكم على كل شي الا السويت ههههههههههههه اتغشمر

[SIZ

كل هالسويتات ولاتنزلين لنا شي ياجنون وحارمتنا منهم خصوصا الي بالاكواب والي بالصنيه

ياسلام عليكم بالعافيه وعسانا ماننحرم من جديدج واشكرج لكل هذه الاطباق الطيبه ماقصرتي والله [/SIZE]

[شجرة الدر]

(جنون)

ماشاء الله ،،

سفره دايمه ان شاء الله اما عزايمكم شي ،،

و السويتات رهيبه خصوصاً اللي في الاكواب لو سمحتي الطريقه

عليكم بالف عافيه ،،

[طارق]

اليوم الغداء كان لخمه , وهذي الصور من غير شرح (حصريا وانا بنزل الموضوع بالشرح بعدين )

[JN000N]

هلا والله بوعلي2

الله يسلمك ويعافيك.. شسوي ياخوك العيز ومايسوي ترى فيني كسل مب صاحي @@
دورولي حل وبحط لكم سويتات ههههههههه

حيالله شجرة الدر
شكلي بحلف عليج مانسوي عزيمه ثاني مره الا وانتي اول وحده داشه
وانشاااالله فديتج ابشري هذي الطريقه

المكونات
قشطه
2 دريم ويب
نوتيلا
كافي جلكسي على حسب الكميه اللي تبينها
بسكوت يفضل دايجستف لان ايي نثري لين كسرتيه
باوند كيك بتحتاجين شوي منه انا استعملت بالفانيلا
مارشميللو الابيض
كافي فليك الاصفر للتزيين
زبده وحده سايحه

الطريقه

نبدا من تحت لييين فوق

كسري البسكوت نتفيه تنتف اليهد ههههه ونتفي الكيك وياه وخلطيهم مع بعض مع الزبده وعقب وزعيه ورصيه فالكاس من تحت

الحين الطبقه الي فوقه

خلطي الدريم ويب والحليب مع بعض فالخلاط لين يمتزج عدل وشيلي منه شوي على جنب خليه والباقي ضيفي عليه القشطه والنوتيلا وخليهم يمتزجون عدل مدل ( قبلها انتي كنتي مجهزه الجلكسي في حمام مائي مع شوي عسل وفنجان حليب مراعي)
عقب ما يمتزجون ضيفي شوي من الجلكسي اللي حطيتيه فوقه وخلطيه
الحين حطيه فالكاسات فوق البسكوت وعقب فالطبقه البيضه حطي خليط الدريم ويب والحليب اللي بقى وذوبي المارشميللو وضيفيه معاه وخلطيه وعقب حطيه فوق الخلطه اللي قبلها

اخر طبقه هي عباره عن باقي الجلكسي اللي سويتيه فالحمام المائي مع العسل واذا تبين تضيفين نوتيلا مب مشكله وعقب زينيه بكافي فليك نثريه فوقه


احم الطريقه من تاليفي بعد قرايه مليون سويت واعدادي بس اخراج اختي

وبالعافيه جربيه وقوليلي رايج.. اللي عندي خلصوه ابوي ما ذاقه

طارق
ماشاء الله طباخ درجة اولى
اما عقب ماستوت ومع البهارات شي شي
عليكم بالعافيه

[لولوتي]

ما شاء الله ما شاء الله ما شاء الله

صج ان الــ JN000N فنون
الله يحفظكم اجمعين اختي ويجمعكم دوم على المحبة والرضا
ما شاء الله السويتات شكلها وايد راقي ومميز،،، الله يعطيكم العافيه

وبإذن الله اجربها

تسلم الايادي يافنانه

[عيون Qatar]

ماشاء الله ..سفرة روووعة ودائمة ان شاءالله


الله يعطيك العافيه ياجنون..


اخوي طارق.. الصور ما طلعت حملها مرة ثاني

وبانتظارك,,

[بوعلي2]

يعطيك العافيه اخوي طارق

بس الصور ماطلعت عندي

وبأنتظار الصور خاطري اشوفهم

[هند88]

امس كان عندنا عزيمه لان اهلنا من البحرين والسعوديه عندنا

فسوينا اشكال وانواع الاطباق كل شي شغل بيت حتى السويت ما عدا الطبخه كانت فالمطابخ الشعبيه لان الطباخ مسافر وكانت مجبوس لحم وسوينا حق الي ما يبون لحم مجبوس هامور شي شي كان لمثل حالتي بما اني ما اكل لحم خخخ
ما قدرت اصور كل شي راحت علي اصور المحاشي (ورق عنب + محشي كوسا وملفوف )

حياكم مدو يدكم على كل شي الا السويت ههههههههههههه اتغشمر

wooooooooooow
wooooooooooow
wooooooooooow

زين والله تطبخون في البيت احنا كله من برى

[JN000N]

لولوتي

امين ان شاء الله تسلمين عالكلام الطيب فديتج
والله يسلمج ويعافيج.. جربيها وقوليلنا رايج

عيون الوكره

الله يعافيج ويسلمج فديتج تسلمين

هند88

فديتج شغل البيت انظف واظمن وتحت عينج انتي تسوينه وتشوفينه وله طعم مميز