استشاره لاول مره في العالم من نوعها

[زقرت]

السلام عليكم

بصراحه جايكم وعندي استشااره خاصه

لاخو عزيز علي ( والله مب انا )

وان شاء الله اشوف منكم ردود تشجيعيه تسااعد هالمسكين لاني مالقيت له حل

حاولت اقص عليه لكن مافيه فاايده



رفيجي فيه عقدة السفر بالطياره
خواااف درجه اولى ومتعقد من السالفه


بحكم شغله هو كثير السفرات
وفي كل مره يتم يحااتي ويوسوس


حاول بأكثر من حال عشان يفتك من هالعقده العجيبه

مثلاً

حاول يواصل يومين قبل الرحله عشان يرقد في الطياره ( لان مدة الرحله 7 سااعات )
الحبيب ركب الطياره وطارت النوده

حاول ياخذ منوم ( اتوقع بعد بنج مال جراحه ) وبعد مانفع صار يحس نفسه مكسر ومنتهي
بس ما ينام


والله انا مب عارف شالمخ اللي عليه

بس هو الله خالقه جذي



الموضوع جاد والله ومب عبط

هيلب هيم بليززز

[Mozanee]

علاجه عند دكتور نفسي عندهم هالحالات ويناقشونها ,, واذا رفض قوله يعني أقصى شي اشبيصير لك ؟بتموت؟؟ عادي كل الناس بتموت ,, ومحد يتعور بالطيارة ,,

[زقرت]

مستبعد الدكتور النفسي

وبعدين مب ياهل هو عشان اقوله ما بتتعور

[شجرة الدر]

اذا ووصل لهالدرجه لازم اخصائي نفسي ،،

اذا هو يبي يساعد نفسه بيقدرحتى بدون اخصائي نفسي انت ماراح تساعده إذا ماعنده رغبة ،،

[Mozanee]

اللي أقصده ان الطيارة هي موتة وحدة مب مثل حوادث السيارات ,, وبعدين قوله خل يلهى بشي ,, ولازم تعرف الاسباب اللي مخوفته من الطيارة ,, ولو يصرح بهالشي حق اللي بيسافر معاه بيرتاح اذا كان معاه مرافق ,,

[شجرة الدر]

صح لازم تعرف اسباب الخووف عنده يمكن متعقد شايف فلم طيارة طايحه شي ،،

[بوخالد911]

فهمه ان الطيارة وسيلة تنقل مثلها مثل السيارة والقطار

والكل جرب وركبها

واللي الله كاتبه بيصير حتى لو كان راقد تحت السرير
مب فووقه


مووفق


مسيوو / بوخالد911

[بوعلي2]

ما اعترف بالاخصائي النفسي او الدكتور النفسي

هو دكتور نفسه وربعه بعد

لا أؤمن ولن اؤمن طول ما انا حي بالطب النفسي

علاج الروح ذكر الله والقران + البيئه الحسنه واصدقاء الخير هم افضل من اطباء الكره الارضيه كلها

تحيااتي لك

[زقرت]

الاخصائي النفسي صعب والله

هو حل واقعي بس تطبيقه صعب ومستحيل

وهو يحاول يلهي نفسه بكل الطرق

بس الحبيب موسوس

[شجرة الدر]

ما اعترف بالاخصائي النفسي او الدكتور النفسي

هو دكتور نفسه وربعه بعد

لا أؤمن ولن اؤمن طول ما انا حي بالطب النفسي

علاج الروح ذكر الله والقران + البيئه الحسنه واصدقاء الخير هم افضل من اطباء الكره الارضيه كلها

تحيااتي لك

لا بوعلي مافيها شي في ناس احياناً يصير خوفهم مرضي يعني محتاجين مساعدة ،،

واتوقع حالته من هالنوع،،