معلومة هامة احب اضيفها للجميع :
يُفضل ان يكون مقاول البناء ومقاول أعمال الماء والكهرباء من نفس الشكرة اذا سمحت الظروف .. حتى تتجنب أي تأخير في العمل وحتى يكون التنسيق سهل بين كل الأطراف .
الله يوفق الجميع ان شاء الله
خليفــة
جزاك الله خير اخوي وكلامك عين العقل
اهم شي نستفيد من الشركة اللي بتبني عندها
ههههههههه
موفق وبيتِ عامر
جزاك الله خير ياخوي
الله يعافيك يالغالي
وشكرا لمرورك الجميل
بارك الله فيك اخوي
وشكرا للمرور الجميل اخوي
يزاج الله خير اختي عابرة سبيل
وان شاء الله جميعنا نستفيد من بعض
شكرا للمرور الجميل
وجزاج الله بمثل ما ذكرتي اختي موضي
شكرا للمرور الجميل اختي
الصراحه انا ابني حاليا وقريب بشطب ان شاءالله
ولكن قبل لا ابني مريت على كذا واحد من المقاولين
ياخي ناس كذابه ماتراعي الله في شي كلن يحط سعر من عنده اللى يقول المتر 2000 واللي يقول 1200 او 1500 لين 900 وصلنا في بعض المكاتب ولكن مب كل شركه تبني نفس الثانيه في اللى يشتغل بضمير وفي اللى يشتغل بكذب بس همه الدفع والكاش
ولا يدري عن الشغل ياخذ كذا طلب بناء و تعال دور دورك بينهم متى ينزلون العمال عندكم
وتعال لين كلمته او طرشة الاستشاري يحاسبه يطلع لك بالف عذر علشان مايتغرم
المفروض من الدوله اتنزل قانون حق بتحديد سعر البناء وسعر الحديد
حاليا يقولك مافي حديد بالسوق علشان يرفعون السعر على الناس
الله يعين اللى مابنا لحد الحين
والعوض على اللى انضربوا من المقاولين
العام خلّي يسمع القلب لاصاح ..
.. واليوم مهما صاح ماهوب مسموع
الله يكون بالعون اخوي بوخالد
ولكن .. لو كل شخص فينا توجه لمقاول يتمتع بسمعة طيبة
ويكون مر بتجربة لهذا المقاول عن طريق اي حد من الاصدقاء او الاقارب
بتكون الامور واضحه بشكل افضل من التعامل مع مقاول ما نعرف عنه اي معلومة .
وفي جميع الاحوال وانا اخوك .. ما اعتقد ان الحل الأمثل ان الدولة تفرض على المقاولين اسعار معينه .. لان بالطريقة الحالية بتكون روح المنافسة موجودة .. والباقاء للأفضل وذو السمعة الطيبة .
اما في حال فرض سعر معين .. راح يكون الزين والشين بنفس الكفة .
شكرا لمشاركتك الكريمة اخوي
والله يوفقك ببنيانك وتخلص على خير
تاكد اخي الكريم ان تلك المكاتب لا تبحث عن الافضل بينما تبحث عن الشركه التي توافق على اعطاء مبلغ 1-2 بالميه من قيمة العقد
الحل عندي يالغالي
خذ شوري
والهداية من رب العالمين
لف على أكثر من مكتب
وخذ النصيحة من الشخص المجرب ولا تاخذها من الطبيب
مثال :
وزع خرايط بيتك المراد بناءة على 4 مكاتب من مناطق مختلفة
واطلب منهم عرض السعر عليك خلال فترة أسبوع
وحدد لهم عرض السعر يكون على أيش بالضبط
وليكون عرض اسعارهم على :
بناء عظم + بلاستر + السور + تمديدات كهربائية + تمديدات البايبات
وبعد انتهاء الاسبوع .. وحصولك على الاسعار من المكاتب الاربعة اخوي
استخير الله سبحانه وتعالى .. وقرر من المكتب الي سعره مناسب لامكانياتك المادية
وتوكل على الله وتعاقد معاه
ووضح للمكتب انك بتحط استشاري
يحاسب المقاول على كل خطوة موجودة في الخرايط
وبهكذا .. تكون الرابح الأكبر ان شاء الله .
علينا العمل .. والمثابرة .. والبحث المتواصل .. والجهد الدؤوب
ولنتوقف قليلا عن الكسل والتراخي والأهمال .
تمنياتي لك بكل التوفيق ان شاء الله