هل بتشتري اسهم من السوق اذا بعت بروة ولا رجع فايض الريان؟

[عاشق السوق]

ياجماعة الخير السلام علاكم
وشحالكم كلن الحاله؟
يالربع انا ابغا اعمل استفتاء كذا عالسريع علشان بس اعرف المطبلين اللي يقولون ان السوق بيترفع لما تنزل بروة ويرجع فايض الريان , هل هم يتكلمون الكلام الصحيح ولا لا؟؟؟

هل اذا بعت بروة بتشتري اسهم من السوق؟
هل اذا رجع فايض الريان بتشتري اسهم من السوق بالفلوس اللي بترجع؟؟

ولا بتقفل على فلوسك ولا تبغا اتشوف رقعة وجه السوق؟؟
وبتحافظ على الكاش عندك او بتستغل فلوسك في اشيا ثانية منها انتظار الاكتتبات الجديدة مثلا او انك بتغامر وتدخل السوق مرة ثانية؟
صوتوا واحنا بالانتظار[list]

[جبر]

التفرغ الاكتتابات القادمه افضل

[شمعة الحب]

ياجماعة الخير السلام علاكم
وشحالكم كلن الحاله؟
يالربع انا ابغا اعمل استفتاء كذا عالسريع علشان بس اعرف المطبلين اللي يقولون ان السوق بيترفع لما تنزل بروة ويرجع فايض الريان , هل هم يتكلمون الكلام الصحيح ولا لا؟؟؟

هل اذا بعت بروة بتشتري اسهم من السوق؟
هل اذا رجع فايض الريان بتشتري اسهم من السوق بالفلوس اللي بترجع؟؟

ولا بتقفل على فلوسك ولا تبغا اتشوف رقعة وجه السوق؟؟
وبتحافظ على الكاش عندك او بتستغل فلوسك في اشيا ثانية منها انتظار الاكتتبات الجديدة مثلا او انك بتغامر وتدخل السوق مرة ثانية؟
صوتوا واحنا بالانتظار[list]

محد صريح واضح ويكون مطبل ,,طبعا اخوي المطبل ينعرف من تطيبله ,, انا اولا بتكلم عن نفسي وللي يقول مطبله على كيفكم ..شوف اخوي السوق ماراح يرتفع الارتفاع اللي حنا نبيه مثل العام طبعا .. لكن بيكون حلو للمضارب الشاطر يعني انا بابيع بروه اذا جابت سعر حلو وباشتغل مع المحفضتين بابيع وباشتري الى ان اشوف بودار وتأثر السوق من اعلان الاسمنت او اي شركه اخرى بعدها وفي شهر 6 -8 ,,بيكون الشغل الاحلى ,,اما اللي يقولك سكر على فلوسك ولاتشوف السوق ماعنده سالفه ,,اشتغل ان كنت شاطر وشوف السهم اللي بيوزع اسهم مجانيه وارباح _واذا تبي تشتغل في الشركات لصغيره ارجع لورقة التداول السابقه لكم شهر قدام ولا شوف بنفسك وين الشركة اللي عليها مضاربة وتستاهل انك تربح وتجمع اسهمها او تنوع للسهم اللي يستاهل شغل مخك ومشي مع السوق بس لاتحط فلوسك كلها _اشتغل على قدك وطلع ربحك ولاتخاف هذا سوق ماراح يكون ساكن على طول لابد له من موجات ولو كانت موجه ترفعك شوي مش موجه من الموجات العالية وبقوة ولاتخاف مراح تغرق اذا كنت شاطر وتعرف وين تشتري ومتى تبيع لاطول اي ربح يرضيك وطلع وادخل مرة ثانية مع الموجه اللي تغرق بس تحمل تغرق.والله يوفقك .

مادام انت تسأل انا بسأل معاك اذا انت عندك فكره اوغيرك من الاخوان احنا عندنا محفضتين محفظة الوطني ومحفظة البوابه والله مش عارفه الاسم بضبط ,, بس فيه حد عنده خلفيه انهناك محافظ اخرى سعوديه ومحافظ صناديق الاستثمار شغاله في السوق؟؟؟


انا اليوم تكلمت مع مدير السوق عن الاكتتابات وقال وزارة الاقتصاد ماتقدر توقف اي شركة تكون جاهزه وقلت اوكي بس السوق حط على صفحة الاخبار نفي مؤسسين بنك الخليج وتحملون المسئوليه قال لا,, هم بعثوا لي النفي وحنا عرضناه على صفحة السوق هم يتحملون كلمتهم السوق ماله خص ,, وحنا ضايعين بين وبين والاشاعات في كل مكان ,, لكن اذا هم يدارون على مصلحة المستثمريين اللي في السوق ينفون هذي الاشاعة ويفكونا .

[ابو الاسهم]

أقترح النصف يبقى نقدي والنصف لشراء الاسهم القياديّة ذات الارباح والأسهم المجانيّة في هذه الفترة

[عاشق السوق]

انا اليوم تكلمت مع مدير السوق عن الاكتتابات وقال وزارة الاقتصاد ماتقدر توقف اي شركة تكون جاهزه وقلت اوكي بس السوق حط على صفحة الاخبار نفي مؤسسين بنك الخليج وتحملون المسئوليه قال لا,, هم بعثوا لي النفي وحنا عرضناه على صفحة السوق هم يتحملون كلمتهم السوق ماله خص ,, وحنا ضايعين بين وبين والاشاعات في كل مكان ,, لكن اذا هم يدارون على مصلحة المستثمريين اللي في السوق ينفون هذي الاشاعة ويفكونا .

ارحبو بوخيتي شمعة الحب

وعجبي صراحة منس طال عمرس !!!
يعني اخر فقرة في كلامتس اهدمت كل الكلام اللي قبل

وحنا وشقلنا سلمتس الله؟؟ حنا ماقلنا السوق مراح يرتفع , الا بيرتفع ان شا الله , لكنه امطوّل , يعني زي ماتفضلتي وذكرتي انه يمكن شهر ثمانية ولا يمكن بعده

ودامك شاطرة في المضاربة على قولتس وان السوق يصلح للمضارب طيب علمينا طال عمرس اي شركة تصلح للمضاربة واكسبي فينا اجر!!!

يعني قلتي في البداية السوق طيب وحالته طيبة وبعدين ذكرتي ابنفسس ان الاشعات ضاربة السوق
طيب تقدرين تقولين لي طال عمرس كيف نقدر انضارب وشبح الاشعان مخيّم على السوق تقل شباب خيّموا في العديد؟؟؟

على كل حال ياطويلة العمر , اتمنى والله انشوف شطارتس في المضاربة وحنا ناطرين تجين وتقولين لنا بعدين وشضاربتي فيه وشربحتي

وفقس الله ويستر عليتس يابنت الاجواد

[عاشق السوق]

أقترح النصف يبقى نقدي والنصف لشراء الاسهم القياديّة ذات الارباح والأسهم المجانيّة في هذه الفترة

يامرحبا والله خويي ابو الاسهم
وشحالك طال عمرك؟ وشحال من يعز عليك؟؟

ضحكتني والله لما قلت قيادية
وشقياديته طال عمرك؟؟؟ السوق كله في الارض وتقول لي قيادية؟

لكن دامك قلت النص فكلامك منطقي اشوي

وفقك الله

[بدور]

عني أنا ما أبيع ولا سهم من أسهمي ولا أفكر

وطبعاً عندما تطرح العروض للبيع من المساهمين

إن شاء الله بشتري بالسعر اللي يناسبني

وبالنسبه للأكتتابات الجايه أنتظرها واتمنى تكون قريبه جداً

ومستحيل أطلع من السوق ولا أفكر أتركه لأني مسثمره

وما يهمني طلع أو نزل بس الواحد يحمد ربه ويشكره على هالنعم

اللي ما يحس فيها اللهم لك الحمد والشكر

[عاشق السوق]

بس الواحد يحمد ربه ويشكره على هالنعم

اللي ما يحس فيها اللهم لك الحمد والشكر

[ابو الاسهم]

يامرحبا والله خويي ابو الاسهم
وشحالك طال عمرك؟ وشحال من يعز عليك؟؟

ضحكتني والله لما قلت قيادية
وشقياديته طال عمرك؟؟؟ السوق كله في الارض وتقول لي قيادية؟

لكن دامك قلت النص فكلامك منطقي اشوي

وفقك الله

عاشق السوق يحفظك ربي

اشوفك كلّش متشائم وصرت كاره السوق

اسعار بعض الاسهم في قاعها السعري
والبعض الآخر تأثّر بالاكتتابات بس يعطي ارباح نقدي واسهم مجّانيّة بتعوّض وزيادة

أشوف ما تفوّت الفرصة وزي ما قلت نصف المبلغ خلّه نقدي كاش حماية وللأستعمال عند نزول اكتتاب مفاجىء

والله يجيب اللي فيه الخير

[bo tamim]

عــــاشق الســـــوق.......................
وعجبي صراحة منس طال عمرس !!!
العصاب محترقه....والكل ينتظر بكره على نآآآآآآآآآآآآآآآآآآآآآآآآآآآآآآآآآآآآر
لكن حلوه منك أخـــــــــــــــــوي ........تحياتي لك يالغالي