لا ما نخيت من الرجال الا رجال .. مذللين صعاب تحمى في حديد
أفعالهم تنحت على صم الجبال .. وأقولهم يلحق بها الرأي السديد
أبن عبيده بالفخايذ لي ظلال .. مزبنين فلان لو حالة طريد
والرميحي لا فخرت بهم يقال .. خوة رجال (ن) يحتمي فيها الشديد
والمواقف للهواجر في المحال .. حكمة (ن) يرضى بها الرأس العنيد
والظفير أخوان سيده لي خوال .. مشقيين الضيم والحظ العنيد
والزهد يزهد به الخرجي دلال .. مكرمين الضيف لو هو من بعيد
والفياحين أترك لهم باق المجال .. وأخص احمد بن محمد في النشيد
ياجود ربعي والقصايد ما تطال .. في مدح قرم (ن) بالضوايق لي سنيد
ويا طر جيبي في المقادير العلال .. اللي رمتني يا عرب خلف الحديد
محزمي يا محزمي فيك ابتهال .. نفس (ن) كتومه ما لها بعد رصيد
ولا ما نخيت من الرجال إلا رجال .. اخوان شمه يا خلاق لي عضيد
وسلامتكم
هذه اخوي الله يطول بعمره راعي القصيده وربي يحفظه وين ما كان[/center[/color][/size][/font]]
|
رد مع اقتباس
المشاركة الأصلية كتبت بواسطة شايف نفسه
