التداول عن طريق النت بيكون حسب الدور .. والطلب راح يدش السيستم على طول ويشتري او يبيع لك ... واعتقد خدمه مثل هاذي بيكون متعوب عليها ومدفوع فيها فلوس ... والسعوديه صار لها فتره تستخدم هالتقنيه وماظن في فرق بين قطر والسعوديه .
والحساب اللي راح تفتحه لما توقع اتفاقيه المتاجرة بالاسهم (حساب الاستثمار) ما راح يكون في امكانيه انك تسحب منه فلوس الا عن طريقهم يعني تطلب منهم تحويل لحسابك العادي او تطلب المبلغ على شكل شيك بأختصار ماتقدر تاخذ فلوسك كاش .
وسلامتكم :d
مافيا الاسهمالمشاركة الأصلية كتبت بواسطة مافيا الاسهم
من قال ما ينفع للمضاربه بالعكس
دامك ما تعرف لا تتفلسف بكيفك
من قال لازم يكون عندك حساب في بنك قطر
عندنا حسابين تودع فيهم فلوسك
اذا كان عندك حساب في البنك قطر بيفتحون لك استثماري
واذا ما عندك راح يعطونك رقم حساب باسمك تودع فيه
وما عندنا شيكات على بياض
اشدعوه وين داخلين
شكلك ما تتعامل مع دلالة الإسلامية ... لاتستطيع البيع إلا بعد ثلاث أيام من شراء أي سهممافيا الاسهم
من قال ما ينفع للمضاربه بالعكس
دامك ما تعرف لا تتفلسف بكيفك
ومااعتقد الموضوع فيه فلسفة مثل ماتفضل فيه مافيا الأسهم .. إلا إذا غيروا النظام من يومين
في سوقنا تلقى السهم يلمت فوق وتحت في نفس اليوم .. مابالك بثلاثة أيام تتفرج على سهمك وهو يندبغ تحت ومو عارف تبيعه .. وتبي تضارب معاهم
اخواني :
هذا رقم دلالة الاسلاميه 4285555 وتأكدو بنفسكم اذا في امكانيه للمضاربه او لا ... اتحداكم لو قالو مافي
[B]يا طويل العمر اخ al7or
نا اقولك انة هاى الكلام انقال لى شخصيا من على الكاونتر الخاص بدلالة من قبل الموظف فى سوق الاوراق المالية والاقتراح انقال على اساس انة انا ما ابى اى تعامل مع بنك قطر الوطنى لا اودع ولا اسحب فقال لى خلاص انة مالك شغل فى حساب بنك قطر الوطنى بس اكتب لنا شيكات على بياض من البنك الخاص بى
واخلى هاى الشيكات عندهم فى دلالة وكل ما حبيت اشترى هم يعبون الشيك ويدخلونة الحساب لدى بنك قطر ومن ينصرف يشترون لى
اخى الكريم ترانى مش متحامل على دلالة بس مستغرب اصرارهم يكونو مع بنك وطنى واحد فقط
ونفس الشيئ دلالة الاسلامية بنك وطنى واحد
هاى حاصل واى شخص يمكنة يجرب بنفسة وعلى كل اتمنى انى اكو غلطان والايام بتثبت هاى الكلام عملى
اسف لو طولت عليك
تحياتى ويوم سعيد
أخ falcon
صحح معلومتك معاك الاخت al7or
وانا اشتغل بدلالة وعندي كل المعلومات يعني عن تدريبي وشغلي اقولك
احتمال كبير انت فهمت غلط
عندنا حسابين تودع فيهم حساب استثماري للعملاء في بنك قطر
وعندنا حساب تداول او متاجرة بالاسهم لغير العملاء
واحنا بفرعنا بالسوق نفتح لك الحسابين
الفرق بينهم الاستثمار تقدر تسحب وتودع عادي
اما حساب التداول تودع فقط واذا تبي تسحب نحول لك على حسابك في بنك ثاني
او نصدر لك شيكات
يعني ما عندنا شيكات على بياض
كلامك صحيح بخصوص البنوك ...للتعامل مع دلالة للوساطه ضروري تفتح حساب متاجرة في بنك قطر الوطني
وللتعامل مع دلالة الاسلاميه تفتح في مصرف قطر الاسلامي ..
هاذي سياستهم من البدايه ..
واعتقد ما فيها مشكله لو تفتح حساب استثماري في احد هالبنكين وهو حل افضل من الشيك على بياض اللي طلبوه منك .
وتحياتي
اخواني :
هذا رقم دلالة الاسلاميه 4285555 وتأكدو بنفسكم اذا في امكانيه للمضاربه او لا ... اتحداكم لو قالو مافي
اتصلت فعلا عدلوا الخدمة والحمدلله
ولا أنا عندي تجارب مع دلالة .. كانت المضاربة مستحيلة
راعي المواجيب ..
تسلم على صراحتك ..
ياليت تخبرنا كيف خدمتهم مثلا هل فعلا انتظرت فتره طويله لين ردو عليك؟ ..وشلون كانت خدمتهم واجاباتهم ؟ ... ياليت يكون بصراحه عشان الناس اللي ظالمين دلاله يغيرون وجهة نظرهم فيها .
تحياتي للجميع .
الاخت al7orl انا قلت فى بداية الحديث انى متاكد من الى اقولة لك لانة صار معاى على الكاونتر من الشخص المعنى وهوة ذو منصب كبير فى دلالة لاكن على كل اختصار للجدال فى الموضوع انتى صح وانا غلط انا مجرد حبيت انقل تجربة عملية حاصلة لى مش ادخل فى جدال مع اى اخت او اخ فى المنتدى على مبدا انا صح او هوة غلط ولا حد يعرف الا انا لا هاى سياسة دلالة وهم احرار طبعا وعلى كل الايام القادمة انشاء الله بتكون الحكم للعملاء واتمنى التوفيق للجميع
ضوابط المشاركة
رد مع اقتباس