والله اخوي انا عندي خبره بنكيه سابقه واقدر افيدك بهالموضوعالمشاركة الأصلية كتبت بواسطة alfahad1
السلا عليكم ورحمة الله وبركاته
اي بنك ياخذ اقل فايدة لاني بغيت اخذ مبلغ وقدرة عشان اشتري ارض وابني فيلا ......
وهل هناك عرض للقطريين حق العقارات.
حق واحد راتبه عشرين الف كم يقدر يقترض.......
ياشباب اي بنك تنصحوني فيه:
1-الوطني
2-المصرف
3-الدولي
4-الدوحه
5-الاهلي
6-التجاري
والف شكر
لكن نصيحتي لك ابعد عن الحرام وشوف لك تمويل اسلامي احسن
صح التمويل الاسلامي اغلى بواجد من التمويل الربوي
لكن هذا بيت العمر اللي بتعيش فيه طول عمرك
لكن لو انت تبغي تشوف الارخص انصحك شوف الخليجي لو بيعطونك لأن البنك الخليجي هو البنك الوحيد اللي نسبة الفايده عندهم ثابته غير البنوك الباقي
او تقدر تشوف بنك قطر الدولي ibq لأن نسبة الفايده عندهم تنازليه ولو حاب اني اشرحلك طريقتهم انا مستعد اخوي اشرحلك طريقتهم بالتفصيل الممل
بس نصيحتي لك شوف تميول اسلامي من البنوك او شركات التمويل الاخرى مثل الاولى للتمويل او شوف بعد بيت التمويل القطري لآن نسبة المرابحه عندهم ٧.٥ وهالكلام قبل شهر تقريبا ما اعرف لو زادوها ولا لا لكن هذي نسبة ثابته وتبغي الصراحه نسبة المرابحة هذي ممتازه لو بتقارنها بالبنوك الاسلاميه او الربويه
لو حاب انا مستعد اعطيك رقم واحد في بيت التمويل القطري تقدر تسأله بالتفصيل الممل
والله البنوك الربويه يوم زادوا نسبة الفايده طلع على العملاء اكثر من بيع السوق وعدد كبير من العملاء تعثروا في السداد وصارت مشاكل بسبب هالموضوع عشان كذا اخوي لو كنت حاب تاخذ من بنك ربوي لازم تتأكد قبل ما توقع العقد إن نسبة الفايده تكون ثابته مش متغيره
لأن لو كانت متغيره البنك يقدر يرفعها اي وقت وانت اللي بتتوهق
|
رد مع اقتباس
