اريد اعيد الثانويه وهل في الجامعه موازي تخصص كهرباء وهل اذا عدت الثانويه ولم انجح تروح على الشهاده الاولى
اريد اعيد الثانويه وهل في الجامعه موازي تخصص كهرباء وهل اذا عدت الثانويه ولم انجح تروح على الشهاده الاولى
اريد اعيد الثانويه لاجل ادخل الجامعه وهل في الجامعه موازي وهل اذا عدت الثانويه ومانجحت تروح على الشهادة الاولي ارجو المساعدة انا اتصلت على ادارة الامتحانات ولم يردوا والجامعة ايضا وهل في الجامعة تخصص كهرباء لاني فني كرهباء في البترول
تقصد جامعة قطر ؟؟
اذا تقصدها فقبل لا تعيد الثانوية وتعور راسك وتضيع سنة من عمرك على الفاضي
اتصل على المعهد البريطاني او جامعة قطر واسألهم متى اقرب موعد لامتحان التوفل ولازم تجيب 500 عشان تدخل الجامعه واذا مامعك توفل ولا ايلز فشهادتك الثانوية حتى لو جايب 99 % ماراح تنفعك بشي
اخوي روح الاطلس اقدر ادخل امتحان توفل اولا ثم اعيد الثانويه والتوفل 500 من كم للعلم لغتي الى level4 وذا نجحت في التوفل لازم اعيد الثانويه وماهو التوفل والايلز ارجو الشرح وشكرا وجزاكم الله خيرا
اخوي عيد السنه وتوكل على الله وشد حيلك وجيب نسبه هاذي اول شي
ثاني شي --- شنو التوفل وشنو الايلتز ؟
اهم اثنينهم >>> امتحان تحديد مستوى في اللغه الانجليزيه - اللهم الاختلاف هو ان التوفل امريكي والايلتز بريطاني -
وطبعآ على حسب الجامعه اللي تبي تدخلها تتحدد الدرجه
يعني مثلآ جامعة قطر تبي في الايلتز 5.5
او البديل
التوفل 500
وطبعآ 5.5 في الايلتز تعادل 500 قي التوفل
واذا تبي تفاصيل اكثر انا حاضره وعندي ملفات ومواقع ممكن اتفيدك حق هالنوع من الامتحانات
بس اخوي مثل ماقلت لك اهم شي انك اتعيد الثانويه وتجييب فوق الـــ 75%
واسأل الله التوفيق لك وللناس آجمعيين
لا ضاقت الدنيا عليك وتشاويـــــت ..
.. خلق الله اللي فالرخا كان واجـــــــد
ومن العرب والصوت والثوب مليــــت ..
.. وقامت عليك هموم بأقعا تراجـــــد
فارفع يديك لخالقك لا توضيـــــــت ..
.. وادعوه تراك أقرب إليا صرت ساجـــــد
{}{}{} رحمتك يارب لامن ضاقت امنحني وساع انت حسبي في الزمان الجاير ونعم الوكيل {}{}{}
معليش اختي اختلف معك بهالنقطه لو عاد الثانوية وتعب سنة كاملة وعقبها تعثر في التوفل مثل ماهو حاصل مع اغلب خريجي الثانوية وش بيسوي ؟؟ يتصور مع شهادته ؟ لازم بالاول يتأكد من مستواه في الانجليزي وانه قادر يجيب التوفل وعقب اعادة الثانوية مجرد تحصيل حاصل عشان يجيب النسبة فقط لا اكثر
لان جامعه قطر الحين ماتعترف بالنسبة في الثانوية لو مامعك توفل يعني اللي فرحان بنسبته وجايب 90 % بدون توفل لا يقرب وجهه من باب الجامعه واللي يجيب 75 وتوفل 500 فيا هلا ومرحبا فيه
اهااا - اخوي انا فقط قدمت النصيحه للاخ اللي طارح مشكلته من وجهة نظري وماحددت جامعه يدخلها ولا لا فقط ضربت مثال - وهو ممكن يقدم الثانويه العامه ويجيب نسبه وهذا اهم شي ويدخل جامعة القاهره او بيروت انتساب وايد اعرفهم سووا جذي لان مايقدرون ايبون التوفل او الايلتز بس الاهم عندهم ((( نسبه قووويه ))) - اهو طلب من الاعضاء ارائهم وانا قدمت my opinion وله الاختيار ف الاول والاخير - اما يصور او مايصور مع شهادته ف انا ماراح اتكلم ب هالاسلوب -
لا ضاقت الدنيا عليك وتشاويـــــت ..
.. خلق الله اللي فالرخا كان واجـــــــد
ومن العرب والصوت والثوب مليــــت ..
.. وقامت عليك هموم بأقعا تراجـــــد
فارفع يديك لخالقك لا توضيـــــــت ..
.. وادعوه تراك أقرب إليا صرت ساجـــــد
{}{}{} رحمتك يارب لامن ضاقت امنحني وساع انت حسبي في الزمان الجاير ونعم الوكيل {}{}{}
ابو صالح التوفل امتحان للغه الانجليزية عبارة عن اختيار من متعدد لكنه صعب شوي لازم تكون ليفيل 5 او ليفيل 6 لكن ممكن اذا مستواك زين في الانجليزي تجيب ال 500 بالراحه اما الايلز هو اختبار ثاني لكن يصلح حق اللي المحادثه عندهم قوية والكتابه عندهم قوية يعني مش نفس التوفل مجرد اختيار من متعدد والدرجه المطلوبة فيه هي 5 ونص
ااي امتحان فيهم مقبول يا توفل او ايلز وتقدر تقدمهم في اي وقت نفس ماقلت لك شوف اقرب موعد لو كنت مستعد وقدمهم اما لو مش مستعد نصيحه اقعد ادرس له شوي وفيه مواقع كثيرة بالنت فيها نماذج للامحانات وتقدر تدرب عليهم
اذا ان شاء الله خلصت وقدمت الامتحان وجبت الدرجه المطلوبة وضمنت التوفل في مخباك ساعتها تعيد الثانوية وتدخل الجامعه من اوسع ابوابها
لكن لحد علمي ان الموازي تم ايقافه من ثلاث سنين مدري اذا لين الحين ..
لكن اخوي بما انك في البترول هل شغلك يقدر يعطيك تفرغ للدراسة ؟؟؟ عشان تدرس صباحي ؟ لان الموازي احتمال كبير انه تسكر
ولو شغلك يبعثك برا بيكون احسسن لك بكثير من الشحططه في جامعه قطر
هلا اخوي بوصالح
انا قبل سنه قررت اعيد الثانويه وقدمت فصل وحد وماكملت بسبب ضروف وكلمت الوزاره قلت لهم الشهاده الاوليه تتكنسل قالوا لي لا وقلت لهم اذا جبت نسبه اقل من الشهاده الاولى قالوا نعتمد الاولى احنا مع مصلحه الطالب
وبخصوص الموازي ان شاء الله الشباب يفيدونك
((ارجوا نقل الموضوع للعام ))