اخبار متعة ا لتسوق يابنات ؟؟( المعرض الحالي من 11 إلى 20) الشهر

[latty]

هههههه .. والله كل شي حلوو .. شريت عطورات و مكياج =$

عليج بالعافيه بنت محمد وتشرفت بمعرفتج الغاليه

وفعلا مشترياتج روعه شفت عندج الكحل اللي ما يروح من العين وشفت عندج اشياء حلوه

تقطعينها بالعافيه حبوبه

[latty]

عليج بالعافيه حبوبه بس ليش تاخذن من الميك اب اللي هناك ؟ لانه تقليد كله .. صراحه وحده من ربعي خذت من الارواج وتقول الوانهم حلوه بس فيهم ريحه كيميائيه ومب زين للشفايف

انصح البنات ماياخذون من مكياج المعارض الا اذا كان ماركه معروفه احسن

نوى القلب شكرا على النصحيه وانا اييد كلامج بقوووه

بنت محمد خذت من ماركة فور ليف مك اب واللي خذت الكحل اللي ملون وتحطينه اعلى واسفل الاجفان تصدقين مايروح تغسلينه غسل تقولين تاتو حلو للحواجب والكحل من الخارج وتحديد مك اب الوان روعه وخذت وانا معها مناكير روعه الوان ماعمري شفت زيها

والماركه هذه معروفه دايم اخذ منها من السعوديه

لكن انا ضد مك اب الصينين مع المك اب اللبناني

[مشتاقة لقطر]

تقرير وتغطية ولا اروع ماشالله

موضوع ما افوته يوميا اتسوق معاكم ماشالله هنيه ..

الله يهنيكم باللي شريتووه .. وبالعافية يارب


وننتظر الموضووع الجديد

[latty]

هلا حبيبتي

انا معلج انا انحط ملا حظاتنا عن السلبيات والايجابيات وانا اشوف السلبيات اكثر مثل :


1- خلط الستاندات وعدم توزيع كل قسم لحاله

2- توقيت المعرض غير مناسب (( أيام الأمتحانات )) أتكلم عن نفسي

3-ما خصصوا يوم للنساء مثل باقي المعارض السابقة

4- وقته قصير وهذا اللي خلاهم يغلون

5- الاسعار غالية وما عليها مراقبة وخصوصا المشاركين اللي من قطر

واكثرهم من زون سنتر

6- غلاء الأيجار للعلرضين وهو اللي خلاهم يستطمعون ويرفعون الاسعار

7- عدم وجود خصم على ايجار الاستاندات للتجار والتاجرات القطريين

كتشجيع لعيال البلاد

8- كثرة اللوث اللي يمكن يكون اكثرهم مب قطريين وهم يضايقون ويغازلون

أشكرة

9- هالبنات الله يهديهم المتبرجات اللي اتخلي الحرمة تنعجب فيها قبل الشباب

وحتى البياعين يبققون احلوجهم وهي تكلمهم (( وهذا أكثر شئ ضايقني ))

10- ما فيه تنظيم داخل -- وما فيه تخطيط وحلول لكثرة الزحمة ايام المعارض


-------------------------------------------------------------------------------

المميزات :



1- ان المعرض هالسنة عطا فرصة لبعض التجار القطريين بالرغم

من غلاء الايجار

2- فيه بعض البضايع الجديدة مب مثل كل سنة

3- فضيات الأيرانيين السنة تشكيلاتها حلوة -- بس غالية

وبس ما أتذكر الباقي

========================================

اليوم بناتي اغصبوا أبوهم يوديهم المعرض يبون من شنط ام سعود

وجابوا لي عطر استي لودر (( رووووووووووعه ))

وشروا بعد من العود بالعنبر وكم عطر رجالي لأبوهم وأخوانهم

ومروا على الزل عند الأيرانيين ولقوهم نفس الأسعار وشروا من

الفضيات الأيرانية تعليقات حلوة مع الخواتم والحلق سعرهم مناسب

بالوزن من عند ارخص واحد عنده الغرام ب 14 ونزل لهم شوي في المجموع

[COLOR="DarkOliveGreen"]وبالنسبة للمحل التركي اللي اسمه نور غاليري تبيع على قولتها

الخواتم والحلق والاكسسوارات البناتية على انها فضة خالص

ومطلية بماي الذهب وما بتغير واكتشفنا ان الخواتم كشف لونها

من مجرد الوضوء -- كيف لو انغسلت بماي وصابون

(( الله يسامحها -- غشتنا ))[/COLOR]

وحبوبتنا latty الله يجزاج خير ويرحم والديج على ذوقج معاي انا بالذات

لأنها تعنت وشرت لي من بهارات حضرموت -- كفاية والله تفكيرها فيني

الله لا يحرمج الجنة -- ويسعدج دنيا وآخرة

ومشكورة على هالموضوع اللي خلا كل وحدة تذكر لنا الشئ الزين اللي

اشترته 00 وبكم سعرة

بارك الله فيج اختي العزيزة

هلا غناتي 1

موضوع السلبيات والايجابيات منفصل مب هنا انسخي هذا وحطيه بالموضوع اللي بالمنتدى بحط لج رابطه اوكي
http://www.qatarshares.com/vb/showthread.php?t=273791

شكرا لج

[latty]

شاركونا الراي اخواني اخواتي

http://www.qatarshares.com/vb/showthread.php?t=273791

[سلامي للكل]

الســلام عليكــمـ ورحمـة الله وبركاته

الحمـــد لله حصلت لي وقت ومريت المعرض اليوم (السبت)

نقدر نقــول في زحمة نوعاً ما

خذيت لي كم غرض, ومن اهم الاغراض مخلط رولكــس من أم سعــود

والاهم الاهم اني كتبت اسمــي على لوحــة أم سعـــود

وعليكــمـ بالعافية

[latty]

الســلام عليكــمـ ورحمـة الله وبركاته

الحمـــد لله حصلت لي وقت ومريت المعرض اليوم (السبت)

نقدر نقــول في زحمة نوعاً ما

خذيت لي كم غرض, ومن اهم الاغراض مخلط رولكــس من أم سعــود

والاهم الاهم اني كتبت اسمــي على لوحــة أم سعـــود

وعليكــمـ بالعافية

عليك بالعافيه

والله يعطي ام سعود كل خير الصراحه تستاهل هالنجاح وونتظرها بالمعارض الجايه


شاركنا الراي بالموضوع المثبت بالسوق

رايك يهمنا من ملاحظات وسلبيات

[بنت الاجاويد]

المعرض عكس ماتوقعت
ما عجيبني ...
والله يوفقكم

[شمعة الدوحه]

انا عن نفسي مارحت حق هالمعرض

رحت للي قبله على شهر 6

عجبني بخور اسمه موزه من محل ريحه .. اماراتي

وامي خذت المياسه من عندهم ماعجبني كلش

بس ماادري اذا موجودين بهالمعرض او لا؟؟

انصحج فيه اذا كانوا موجودين