فودافون ... وبداية النهاية ...

[يحفظك ربي]

والله انا مستغرب منكم
يعني شركه كل هدفها الربح لقت ناس عندهم فلوس مايدرون وين يصرفونها قالت انا اولى بهاي الفلوس

وانتوا محد ضربكم على راسكم وقال لكم لازم تشترون لحد يشتري والله بكره الشركه تحب على راسكم عشان تشتركون فها بس الاكثريه ما عندها مشكله تدفع وبس وبعدين جاين اتحلطمون ليييييييش

مافيها شي اذا الواحد طلع اللي بخاطره وانا صج خذت لي رقم بس بعد عندي نقاط و تعليقات ابي اقولها

so what ?!

[بودحوم]

والله انا مستغرب منكم
يعني شركه كل هدفها الربح لقت ناس عندهم فلوس مايدرون وين يصرفونها قالت انا اولى بهاي الفلوس

وانتوا محد ضربكم على راسكم وقال لكم لازم تشترون لحد يشتري والله بكره الشركه تحب على راسكم عشان تشتركون فها بس الاكثريه ما عندها مشكله تدفع وبس وبعدين جاين اتحلطمون ليييييييش

صدقت والله يابوعبدالله

البلاء فينا أحنا . وهم لقوا لهم سوق يدفع ولا يهمة حتى لو يتحندى ويتحلطم

[الريمي قطر]

يعطيك الصحه والعافيه على الموضوع

[@الشبح@]

بصراحة انا كنت ماسك نفسي اني اتكلم عن فودافون احتراما للمنافس...بس للاسف انهم طلعوا شركة مايفقهون لمعنى الاحترام او التقدير... انا كمواطن كنت اتمنى وجود شركة تنافس بالفعل وتكون افضل من الشركة الموجوده... بس للاسف ان الكل انصدم بوجود شركة جاية من برع لاتحترم اي عرف او ثقافة انما تحاول جمع فلوس من الناس قدر الامكان بشكل غير طبيعي...وكل اللي يقولونه ان راح نعمل وراح نسوي..ويسوون مهرجان يجون الرجال لابسين فساتين...ايش تتوقع منهم...

وياليت ان شركة فودافون دفعت حصتها من الشراكة مع قطر فونداشين ولكن جاوا وخذوا فلوس الناس وشكلهم متاخير باطلاق خدماتهم بشكل غير طبيعي...مقارنة مع كل دول مجلس التعاون اللي جاوا الشركات الثانية واطلقوا خدماتهم في وقت قياسي..

بصراحة كمواطن ...كنت اتمنى اتصالات انها تفوز بالرخصة ...اولا لانهم فاهمين ثقافتنا وثانيا ايام تقديم العرض عاشوا في قطر 7 تشهر يحضرون للملف وحتى مواقعهم كانت جاهزة لتشغيل الشبكة..يعني ماكانوا راح ياخذون الا 3 اشهر في اطلاق الخدمة..

وكل تاخير في اطلاق الخدمات كله على ظهر المساهمين اللي راح تتأخر ارباحهم ...

بصراحة اتمنى ان يمسك الشركة واحد من عيال البلد يديرها عدل او بالكثير الاستعانة باحد من دول مجلس التعاون واللي يوجد فيه كفاءات..

كلامك عسل وانت عسل .. والله يوفقك .. "هاي عبود .. يسلم عليك"

[@الشبح@]

انا كنت أتمنى الإتصالات السعوديه تفوز بالرخصه.. بنشوف تنافس ماصار بالعالم قبل
الاتصالات السعوديه فازت بالرخصه بالكويت خربت مجرى الشركتين اللي راحوا وصار عندهم عروض وتخفيضات بالهبل

... وين الولاء .. يابوسعود ..

[@الشبح@]

أعتقد أول مرة فودافون تبيع الاسعار بأسعار خيالية وجدت سوق في قطر غير البلاد الثانية فكرة بيع الارقام أول مرة أسمع عنها في فودافون

مو قلنالكم ... "دلل بقرتك .. لتحصل على حليب اكثر" ... دعاية .. والشاطر يفهم..

[م. عبدالعزيز]

... وين الولاء .. يابوسعود ..

اذا تقصد مع كيوتل .. عندي رقمين باسمي لكيوتل ولا مفكر ابدا ً اطلع لي رقم فودافون

[بو الجوري]

أنا من ضمن اللي عملوا اللقاء معاهم :.. وإسمي مكتوب

المريخي: فودافون عرضت أرقاماً بسعر محدد وخيالي!
.

أخواني بودحوم و ناصر العمادي :.. تدرون ليش اذا حطيتوا رقم سلطه وطلع بـ500 :..
هذي طريقه خبيثه منهم :.. قالوا الرقم مجاني :..
لكن إذا الواحد حط الرقم فالبحث فأكيد مميز بالنسبه له :..
فأي رقم بتحطه فالبحث مهما كان سلطه :.. بتلاقيه بـ500 :..
لأن بالنسبه لهم :.. دامك حددت هالرقم فهو يعنيلك شي :..

هذي طريقتهم الإستغفاليه :.. اللي أنا إستنتجتها :..

[@الشبح@]

بغيناهم عون .. و تمادوا اكثر من فرعون

صج تحس أنهم يبون ينهبون جيوب أهل قطر . لأن االلي سووه في قطر
ماسووه في مكان ثاني نهائياً ...

والله أني شاري رقم من كيوتل بــ 500 ريال وأخذته من فودا فون بـ 4000 ريال .


لا .. وإذا أنت تختار رقم يحسبونة لك بـ 500 ريال حتى إذا مايسوى إلا رصيدة

والله نهبة من قلب حسبي الله عليهم


شوفوا اول رقم في الصورة . في ذمتكم هذا يسوى شئ ؟؟؟؟

مفروض .. الحركه هذه ماتمشي على المراقبيب .. والله يعوضك ال 30000 ريال .. لو دافعهم في كفالة يتيم ولا بناء مسجد .. مو احسن من هالكفره .. ماتدري وين راحت فلوسك ..

[@الشبح@]

والله يا أخوان أمس جالس متملل وقلت خل أدش على فودافون وأشوف الأرقام بكم

المهم حطيت رقمي الحالي ( مايسوى فلس ) الا طلعلي ب 500 ريال ..

قمت حطيت رقم من عندي مخربط حده ولا رقم متشابه وبعد طلعلي ب 500 ريال

يعني العمليه كلها تلاعب وماظن في أرقام مجانيه وأي رقم تكتبه يعني تبغيه ويصير ب 500

أذا هاذي البدايه الله يعينا على النهايه

الجماعه دخلوا على طمع وشكلهم ماخذين فكره عن القطريين أنهم مغفلين ومايفهمون شي والمفروض نرد لهم الصاع صاعين ونقاطعهم من البدايه عشان نرتاح في النهايه ويعرفون أشلون يتعاملون معنا ..

يعطيك الصحه والعافيه على الموضوع

الله يوفقك ويطول بعمرك ويرضى عليك يارب

كل الشكر والتحيه والتقدير والأحترام مني لك

افا ياولد .. العمادي .. مو هاي الهقوه فيك .. تكتتب في اسهم فودافون .. لا وبعد تبي تشتري .. ارقام مميزه .. منهم ..

على العموم .. شكرا على المرور ... والف شكر على الرد والتعليق والمشاركه ...