ما هو مكتب الوساطة الذي تتعامل معه ؟

[DSM_alkhalij]

الموضوع مفهوم خطأ!
لازم تفهم أخوي ان فيه فرق بين السوق العادي و السوق الغير عادي لعملية تداول الاسهم بمعنى في عملية البيع او الشرا لو المبلغ لم يتعدى 5000 ريال قطري يتم التداول مع الاسهم البسيطه في السوق الغير عادي و بيكون المبلغ اقل بشويه من المعروض في السوق العادي اي الاسهم المعروضه و المطلوبه بمبلغ لا يقل عن 5000 ريال قطري.
السالفه مش سالفة هوامير و لا مو هوامير...السالفه قانون السوق!

[بوناصر-قطر]

السلام عليكم ورحمة الله وبركاته

بالنسبه لي , فأنا اتعامل مع المجموعه ... والحمدلله صار لي سنه تقريباً او اقل شوي .

بصراحه لا اعتقد اني سأجد افضل منهم في الشراء والبيع , وبهذه السرعه .

وبأمكاني ان ابيع وبعد ان تصلني رسالة البيع على الجوال اشتري بالمبلغ .

وسيط ممتاز ..... ( 100% )

[المخلب]

المجموعه وسيط مميز مع انهم بعض الاحيان لما تقولهم بيعوا ماايبيعون ولما تتصل ماايردون لكنهم احسن من غيرهم !

[LiquidMoney]

كلهم واحد يخدمون الهوامير وبس
لأن في مقابل مجزي نظير هذه الخدمة
اما انتوا فأنهم يجمعون اسهمكم للهوامير بسعر منخفض
صدقوووووووووووني عصابة
على قولة المثل ؟ أخو ؟

اعذرني على المداخله.... اخوي ... بس من سن تقريبا خذت كورس عن البورصه و الاسهم.. و كان من ضمن المواضيع اللي انطرحت .. هو موضوع آلية مكاتب الوساطه .. و قوانينهم ..
واذكر انه المحاضر ركز على نقطة انه ال brokers او ال brokrage firms ملزومين بقانون دولي بأن ينفذون الطلب اللي فيه مبالغ أكبر ...
بمعنى لو انا وانت اتصلنا في المجموعه عشان انبيع اسهم صناعات مثلا ... انا كنت ابي ابيع 500 سهم ...
مع العلم اني متصله قبلك ... و انت اتصلت بعدي ... و كنت تبي اتبيع 3000 سهم ... هم مجبوريين ايبيعون لك انت قبلي ...


وبس

[m_taha123]

شركة العالمية بالنسبة لي جيدة
ومع العلم هناك خدمتين للهوامير وللناس العادين
..........

[سوبر سهم]

السلام عليكم

المجموعة .. خدمتهم عجيبه لكن المشكلة من كثر الضغط عليهم كل خطهم مشغول
لكن مزاياهم حلوه سحب الطلب بسرعه وتنزيل الطلب في السوق بسرعه
واهم شي انه عن طريق الهاتف فقط ... وتداول نفس المبلغ اكثر من مره في نفس اليوم

فمان الله

[قطري]

السلام عليكم

المجموعة .. خدمتهم عجيبه لكن المشكلة من كثر الضغط عليهم كل خطهم مشغول
لكن مزاياهم حلوه سحب الطلب بسرعه وتنزيل الطلب في السوق بسرعه
واهم شي انه عن طريق الهاتف فقط ... وتداول نفس المبلغ اكثر من مره في نفس اليوم

فمان الله

خطهم مشغول !!!!!
لا راحت علينا يعني لين قرر الواحد يبيع او يشتري
في وقت الزحمة ماراح يحصل بسهولة

[mE mYself & i]

الــمــجــمــوعــة

[إنتعاش]

ماشاءالله

لو حمد المعضادي يقرا ردودكم ياخوان

جان بيخصص لكم مكتب كبار العملاء

امزح

[قطري]

ماشاءالله

لو حمد المعضادي يقرا ردودكم ياخوان

جان بيخصص لكم مكتب كبار العملاء

امزح

وشدراك يمكن مسجل معانا في المنتدى
مبين من الردود ان المجموعة نمبر ون