السلام عليكم ورحمة الله وبركاته
هذي قصيده للشاعر : ابراهيم الزراقي وان شاء الله تعجبكم
الهـم ضيـف(ن) لانصانـي قلـت والله ولعنَـه
ماهو بخل مير الكريـم صـدوف وقتـه باقتـه
ضيف(ن) ثقيل ومحترف فالجمركـه والمسكنَـه
قليـل عـرف وحكمـة الأقـدار يمـي ساقتـه
فـي كـل ليـل أضيفـه دام الضيافـه ممكنَـه
وأبيتـه ليـت الضحـى ينثـر علـي إشراقتـه
وأليا أشرقت شمس الضحى ينهض تقل جاه طعنَه
وأخذ رحول(ن) من طمعها قـوت ذودي حاقتـه
وقبـل يـروح أمهـد دروبـه ورحلـه ممنَـه
وأودعــه وأ قــول يالله لاتعـيـد لفاقـتـه
وأليا أ قبل الليل وغدت روس الرعـاه مطمنَـه
وباتوا مـدورت الغبـوق مـع اللبـاء ولعاقتـه
عود علـي وجالـه بصـدري قريـع وحنحنَـه
وأ قـوم وأعشيـه وأدخِـل مـع نياقـي ناقتـه
أنـا الكريـم ألـي بنالـه بالمكـارم سلطـنَـه
مير الكرم من بعـض خلـق الله تمـوت لياقتـه
بعض الضيوف إن جات فصدور الكرام مسكنَـه
وبعض الضيوف تسبب لصدر الكريـم ضياقتـه
وأنـا أتباهـا بالمكـارم والـرجـال مومـنَـه
لكن هذا الضيف نفسـي ياعـرب مـا أشتاقتـه
تخيلوا جاله سنَـه فالصـدر وأكثـر مـن سنَـه
وغيـره ليـا جالـه ثـلاث أيـام ياخـذ فاقتـه
ماغير ملبد خلـف عـوج(ن) بالعنـا مستوطنَـه
وإن جيت ألمحلـه عرفـت إن الغبـاء إعاقتـه
ثقيل ( دم ) وقصته في وسط صـدري مزمنَـه
وأنا أستحي لا أ قول ( قم ) والغيض نفسي ذاقته
من سبته جـاء للفقـر عنـدي طبـول ودندنَـه
وأهـوه ولاهمـه مدوبـح فالعشـى وعذاقـتـه
ثقـل عليـه لـه سنـه ياشينـهـا والله سـنَـه
ليـن أخرتهـا مابقـي فمراحـي ألا؟؟( ناقتـه)
وسلامتكم
مع تحيات\
ابوكم الشيبه