المشاركة الأصلية كتبت بواسطة صانعة السوق
ياريال صواريخ
ولا شفنا شي ولا راحج انشوف شي
بس ياخي بكم فتحت الحساب عندهم؟ وشلون؟ وين رحت؟
ويش هي الاجرارات رااخا العربان؟
أختي قبل ما تفتح الشركه أعلنوا عن مهرجان لفتح الحسابات وكان في النادي الدبلوماسي
كانوا يستقبلون طلبات فتح الحسابات على اساس أن بعد فترة اسبوع راح يفتحون حسابات لنا ويرسلون لنا المعلومات بالبريد قبل ما تشتغل الشركه في 01-01-2006م
لكن الشركه فتحت مع أول السنه الجديده وما وصلنا شيء
عموماً لفتح الحساب في دلاله للاستثمار لازم تكون عندك الأوراق التاليه :
1- البطاقه الشخصيه الأصليه
2- كشف حساب الأسهم من سوق الدوحه وفيه رقم المساهم .
وعندهم خدمتهم وحده منها اسلاميه وهذي ما تتعامل الا مع الشركات الحلال فقط ..
وعندهم دلاله العامه وهذي تبيع وتشتري في جميع الاسهم حلالها وحرامها ...
بعد اختيار أحد الخدمتين وتقديم الطلبات عليك بفتح حساب في بنك قطر علشان يسهل تعاملك مع دلاله ...
والبيع والشراء تتم بثلاث طرق أما الانترنت أو التلفون أو الفاكس .....
موقع الشركه :
سوق الدوحه للأوراق الماليه - اعتقد الطابق الثالث - شارع حمد الكبير
الشركه ما زالت في بدايتها وتوقعنا تكون أفضل من كذا ...
أنا ما زلت أتعامل مع المجموعه وما أفكر أترك المجموعه الا بعد ما نشوف كيف تعامل دلاله مع عملائهم ...