السلام عليكم ورحمة الله وبركاته
اليوم رحت ازور زميله معاي في الشغل واول مره ادخل بيتها او بالاحرى ادخل منطقة الخريطيات. وبعد ما قمت بواجب الزيارة اخذت لفه في المنطقه . صراحة لقيت محلات حلوه تجنن لا وفاتحين يوم الجمعه. محلات عبايات ومخابز وسوبر ماركت. محلات الكترونيات , محل رياضه .و في محلات ملابس جاهزه . يعني لو توهقتي يوم من الايام ما عندج مشابيص والا ما عندج دلاغ من قريب وارخص بعد. وفي محلات جديده بعد شكلها عجيب وبتفتح قريب . درت على كذا محل ومن ضمنهم محل زميلتنا في المنتدى شمسه .
محل حلو ومرتب كله ذوق ما شاء الله . صراحه الواحد بعد ليش يطق الدوحه في هالزحمه علشان يشتري له حاجه وبذيك السالفه. من قريب واحلى سعر بعد .
يا ليت منطقتنا اللي ساكنين فيها عندها نفس هالمحلات . دعوة لتشجيع مثل هالمحلات علشان تكون مفتوحه دايما قريب منا . وان شاء الله برجع مره ثانيه الخريطيات علشان ما كنت عامله حسابي .
|
رد مع اقتباس
المشاركة الأصلية كتبت بواسطة qatari1
