استفسار قرعه اراضي لوسيل

[قلب شاعر]

والله ياربع الكل عارف وضع أراضي والنزول الحاد في الأسعار الحين مع الأزمه العالميه

انا بالصدفه عرفت اني الرابح الأول في قرعه اراضي لوسيل ... طبعا شلون مادري بس الله جات من الله والحمد لله على كل حال ....

ارض في المنطقه الجنوبيه لوسيل مساحتها 1118 متر مربع على الشارع ب1744952,04

طبعا انا اشوف السعر يعتبر عالي مقارنه ف بعض اراضي اللي مرت علي في الوقت الراهن


انا بغيت مشوره اهل الخبره في العقار ....تسوى ان الواحد ياخذها في ظل الظروف هاذي واحنا عارفين اللي عنده كاش مافرط فيه بسهوله الحين ... وانا مش تاجر موظف سنير عادي

لا وازيدكم انا واحد من الأشخاص الي قانون الموارد البشريه نزل راتبي مارتفع...


ياريت استفيد منكم واسمع التصيحه الصادقه وجزاكم الله خير

[2010]

هلااا اخووي قلب شاعر

والله من راي انك تاخذ و تتوكل على الله لان هالفرصه ما بتتعوض و بعدين من قال ان السعر غالي
قارن سعرك بسعر المجمعات السكنيه او الاداريه الي بتصير في لوسيل .. الي بتسويها شركات التطوير
او قارنها بأسعار اللؤلؤه

ترا انا اشوف ان 145 ريال سعررر اووكيه و لا تنسى لوسيل بتقووم و بتكون فيها كل شي و بتكون هي قـطر
انا واحد من الناس الي طلع اسمي في المرشح الاحتياطي و اتمنى يجي علي الدور و اخذ الارض

و اهم نقطه لا تنسى انك بتدفع على اقساط مو كاش ولك سنه ما تفدع فيها شي و اظن بيكون المبلغ كله على اربع سنين
بس بتأكد من هالمعلومات اكثر و لي رجعه ثانيه ..

وعشان اكون معاك صادق سمعت خبر بس مو متأكد منه :- الي هو انك ما تقدر اتبيعه ولا تأجره الا بعد فتره بس مادري كم يمكن بعد سنتين
واذا أجرته تأجره بس على قطرين

بس اذا بتفكر انك تعيش اهناك ,, فأقولك جــووو هيـــد

و بالتوووووووفيق

[بـن عدوان]

واحد من الشباب طلعت له ارض تقريبا نفس المساحة والسعر

ماعنده كااش

ويبي يبيعها

[bond007]

واحد من الشباب طلعت له ارض تقريبا نفس المساحة والسعر

ماعنده كااش

ويبي يبيعها

يبيعها وهي موب له ليلحين؟؟؟

كل شي جايز !!!!!

[بو يوسف1]

السلام عليكم اخوي قلب شاعر

انا ماعندى خبرة في العقار وعلى باب الله.. لكن سألت في الموضوع و ما خاب من استشار.. لو تبي نصيحتي توكل على الله و اشتري الأرض اذا ما كنت مستعجل في البنيان (لأنك ما راح تقدر تبني إلا اذا الاجارة استلمت الاراضي من الديار القطرية والموضوع يمكن ياخذ له من سنتين لين 4 سنوات... الله اعلم)

1. اول سبب: صعبه تحصل لك ارض تنباع بأقساط على مدى 6 سنوات و بدون فوايد مثل اللي تاخذها البنوك.
2. المنطقة لها مستقبل واعد و فيها كل شي... من مساجد و مدارس و محلات و اسواق (تشمل محلات ماركات عالمية) وابراج و فنادق و نادي رياضي....الخ. و من جنوبها المدينة الترفيهية و ملاعب الغولف. و من شرقها الكرنيش الجديد - ومن شمالك المدينة الاعلامية و منتجع صحي و حلبة السباق.
3. راح تضمن الجيران اللي حولك انهم من عيال ديرتك (مو اجانب) و انهم من عيال حمايل.
4. الاراضي و الفلل الثانية في نفس المنطقة اغلى بأضعاف أضعاف اراضي القرعة. السعر المبدئ لفلل ملاعب الغولف 16 مليون ريال!! و الاراضي اللي في الجزيرة اسعارها اضعاف هذا السعر.. (يقولون الامير الله يحفظه طلب وضع اسعار مخفضة لأراضي و احتمال تنزل الاسعار لو طلعت مكرمة اميرية).

هذا رأيي اخوي بكل نزاهه.. لو عندك فلوس توكل على الله و اشتر

والله يوفقك

[bond007]

السلام عليكم اخوي قلب شاعر

انا ماعندى خبرة في العقار وعلى باب الله.. لكن سألت في الموضوع و ما خاب من استشار.. لو تبي نصيحتي توكل على الله و اشتري الأرض اذا ما كنت مستعجل في البنيان (لأنك ما راح تقدر تبني إلا اذا الاجارة استلمت الاراضي من الديار القطرية والموضوع يمكن ياخذ له من سنتين لين 4 سنوات... الله اعلم)

1. اول سبب: صعبه تحصل لك ارض تنباع بأقساط على مدى 6 سنوات و بدون فوايد مثل اللي تاخذها البنوك.
2. المنطقة لها مستقبل واعد و فيها كل شي... من مساجد و مدارس و محلات و اسواق (تشمل محلات ماركات عالمية) وابراج و فنادق و نادي رياضي....الخ. و من جنوبها المدينة الترفيهية و ملاعب الغولف. و من شرقها الكرنيش الجديد - ومن شمالك المدينة الاعلامية و منتجع صحي و حلبة السباق.
3. راح تضمن الجيران اللي حولك انهم من عيال ديرتك (مو اجانب) و انهم من عيال حمايل.
4. الاراضي و الفلل الثانية في نفس المنطقة اغلى بأضعاف أضعاف اراضي القرعة. السعر المبدئ لفلل ملاعب الغولف 16 مليون ريال!! و الاراضي اللي في الجزيرة اسعارها اضعاف هذا السعر.. (يقولون الامير الله يحفظه طلب وضع اسعار مخفضة لأراضي و احتمال تنزل الاسعار لو طلعت مكرمة اميرية).

هذا رأيي اخوي بكل نزاهه.. لو عندك فلوس توكل على الله و اشتر

والله يوفقك

???????

[بو يوسف1]

???????

لا تبقق عيونك يا بوند

عيال حمايل = عيال عوائل معروفة بأصولهم و أخلاقهم وسمعتهم الطيبة

[قلب شاعر]

مشكورين على التفاعل والكلام الطيب وصراحه انا اقرب اني اخذها لأنها فرصه ماتتعوض والله الموفق ونتوكل على الله تكون فيها خير يارب