جميع استفسارات وبرامج ومشاكل وحلول البلاك بيري ((ارجو التثبيت))

[عين الظبي]

ممكن سؤال ليش الموضوع مايثبتونه

[The Master]

ولا زالت الاسطوره مستمره.......احم

[hamoor4ever]

والله ماردكم تبيعونه وترجعون حق الاصل نوكيا وبس ، كان بخاطري فيه بس جهاز مايبعث بلوتوث حق الاجهزه وجهاز بقيمه 2000 ريال مافيه مكالمات فيديو ، بصراحه مابغيه ، نوكيا ب 1000 ريال فيه كل شي واذا على الماسنجر ماعتقد ان الواحد يحتاجه مثل حاجته حق بغض الشغلات الثانيه الاهم حتى النوكيا اللي بو 1300 فيه ماسنجر وفيه شغلات اكثر منه ، هاذه اشتراك وحاله واشوف اكثر الردود ان الجهاز عندهم كله خربان ، بصراحه النوكيا تم عندي سنه ونص ماصار له شي اهم شي اشحنه واتصل فيه ودز مسجات لين تلوع جبدك

[م. عبدالعزيز]

والله ماردكم تبيعونه وترجعون حق الاصل نوكيا وبس ، كان بخاطري فيه بس جهاز مايبعث بلوتوث حق الاجهزه وجهاز بقيمه 2000 ريال مافيه مكالمات فيديو ، بصراحه مابغيه ، نوكيا ب 1000 ريال فيه كل شي واذا على الماسنجر ماعتقد ان الواحد يحتاجه مثل حاجته حق بغض الشغلات الثانيه الاهم حتى النوكيا اللي بو 1300 فيه ماسنجر وفيه شغلات اكثر منه ، هاذه اشتراك وحاله واشوف اكثر الردود ان الجهاز عندهم كله خربان ، بصراحه النوكيا تم عندي سنه ونص ماصار له شي اهم شي اشحنه واتصل فيه ودز مسجات لين تلوع جبدك

النوكيا زين .. بس عيبه الوحيد مع الوقت تكتشف عيوب مالها علاقه باستخدامك

- يعلق الجوال
- البطاريه تضعف وتخلص بسرعه



كان عندي سوني أريكسون وصراحه ماشاء الله كان جامد يعني انضرب وطاح وانكرف .. وممتاز،، بس للأسف ضاع ..

[عين الظبي]

شوفو من ناحيه نوكيا لاتشترون سلسله n
اشتروه الي e

انا عندي e51 بدون كيمره مخليته حق كرت هلا
وعندي e66 مخليته احتياط في حالت اخترب البلاك بري وذا سافرت اسكر البلاك بري

[المكشوح]

السلام عليكم
بالنسبة للتثبيت اخوي عين الظبي اعتقد انه صعبه يتثبت ولو انه موضوع ممتاز وفوق الممتاز بس اللي حاصل مثل ماانتو شايفيين انه في موضوع مثبت عن البلاك بيري وعن كل شي يخص البلاك بيري وانا اتمنى انه يدمجون الموضوعين مع بعض لانه مستحيل موضوعين يخصون شغله واحد يتثبتون


هذا والعلم عند الله ثم عند اصحاب الموقع

[جاسم القطري]

شكلكم بتخلوني اخذلي بلاك بيري

[م. عبدالعزيز]

شكلكم بتخلوني اخذلي بلاك بيري

انا خذته لاني ضايف ايميل الشغل ،، وطبعا بنفس الوقت مطلع قيمة باقي الخدمات مثل ايميلي الشخصي والماسنجر

لو يفيدك اخذه ولو مايفيدك ما انصح ،، هاي رأيي ..

انا حاليا اجربه توني من كمن يوم مشترك ،، واشوف الفاتوره وكيف واتأكد من سالفه ال10 ميجا

[hamoor4ever]

النوكيا زين .. بس عيبه الوحيد مع الوقت تكتشف عيوب مالها علاقه باستخدامك

- يعلق الجوال
- البطاريه تضعف وتخلص بسرعه



كان عندي سوني أريكسون وصراحه ماشاء الله كان جامد يعني انضرب وطاح وانكرف .. وممتاز،، بس للأسف ضاع ..

صادقه اختي بعض النوكيا مايسوه فلس بس انا عندي ال e51 وبصراحه من كثر ماهو تلفون استعمالي خذت منه ثلاث واحد منهم طاح في ماي مرتين وشغال لين يومج من سنه ونص ماشاء الله ، والثاني طاح في قهوه وكاهو من احلى مايكون بعدين كل شي فيه حتى ماسنجر اقدر اشغل عليه لكن شاشته صغيره بصراحه تبط العين في النت ، لكن انا مش من هواه الماسنجر وبصراحه عجبني الكيرف وكنت باخذه بس بصراحه حسيته جهاز مهب كامل وماابغي ادفع 2000 ريال على جهاز امل منه بسرعه لانه ناقصه وايد شغلات

[الخبــره]

هلا الله يعطيكم العافية

الصراحة انا ما خذلي البولد من شهر المهم

انا ابغي اعرف لما ارسل رسايل ما يصير ارسل حق الكل او بالاحرى

النوكيا كنت اقدر احدد العدد اللي ابغيه وارسل لهم كلهم في نفس الوقت

لكن البلاك بيري ما يعطيك الا عدد معين

فهل في طريقة اني ارسل لعدد اكثر

وثاني شي هل اقدر

بهالطريقة تــــــــــــــــــــــــــــــــــــــــــــ

ايغي اطول الحرف بالهطريقة شلــــــــــــــــــــــــــــــــــــــــــــون

وثالث شي لما اروح ع الانترنت بروسر

يطلع لي هالمسج

هل تريد التبديل الى wap لتنظيم الوسائط؟

لعوزني هالمسج

ولما ارعص موافق يطلع

هالنص "خطأ في التشغيل"
حصل خطأ أثناء محاولة تشغيل الوسائط.

ولما اضغط الغاء ما يفتح البروسر انترنت

فيا ريت حد يفيدني من الخبراء