كيف حالكم جميعا
الحين قاعده انطر البلاستر يخلص ان شاء الله وقال لنا المهندس جطوا فريمات الابواب قبل البلاستر واحنا رفضنا علشان نبيي نحطها كلها عازله لكن ابواب مداخل الصاله والمجالس مش عارفه ايش احطها مع العلم ان منطقتنا جديده ولافيها ولا شارع ولا خدمات وغبار واتربه وكل شوي مسكرين طريق
لوسمحتوا اللي عنده خبره ممكن يفيدني وانا له شاكره
يا أخت نورة الفريمات حق الأبواب لازم تركب الأول قبل البلاستر علشان لما العمال يسون البلاستر يكون متساوي مع عرض الفريمات ( عرض الطابوق + البلاستر = عرض الفريم ) .... و فية طريقة تاني إنك تسوي فريم ثانوي ...Sub Frame ثم تقومي بإزالتة بعد البلاستر ... هذة الطريقة أفضل و أنظف و لكنها أكثر تكلفة.
مشكور اخوي بس انا ابي اسوي ابواب Ubvc وهذي قالوا لي بعد البلاستر احسن حتى مهندس البناء قال هالشكل بعد والنوافذ كذلك وحابه اعرف رايك بما انك مهندس ديكور
ومشكور
انا اقول ان الافضل يكون بعد البلاستر لنظافة الشغل اولا تتاكدين ان البلاستر مضروب عدل وبعدين الفريمات هاي شغل النجار اذا مايتقنة مايكون نجار وفي الحالة انتي تطمنتي ان البلاستر مضورب عدل والفريمات منجورة عدل ومع الزمن راح تتغير الفريمات والابواب وجهة نظرر فقط وانا ليس بمهندس ولاكن لدي شوي خبرة
]
انا حاظر من الا ا لييين ال ي في ايشي يخص البنيان والتشطيب الخالمشاركة الأصلية كتبت بواسطة نوره 2006
سبحان الله العظيم سبحان الله وبحمده
مشكورين وماقصرتوا على ردودكم
لكن السؤال الاهم وين الاقي بورسلان امن وش نوعه واي صناعه وهل صناعة الامارات ممتازه وباركيه البورسلان هل هو جيد للاستخدام
انتي لو بس تفتحيين خاصيه الرسايل الخاصه بتلاقيين كل الي تبينه
سبحان الله العظيم سبحان الله وبحمده
محد يشطب بيته ممكن يفيدني
,
,
,
مرحبا اختي
الموضوع الان موضوع ذوق وامكانيات وموضوع حاجه
اذا كان البيت للايجار وتبين تشطبينه برخيص
تقدرين تحطين سيراميك ابو 25 ريال للمتر
واذا تبين نوعيه احسن البورسلان الاماراتي والصيني
شركه ( نابينا ) شركه ( كافود ) طريق المطار
وذا تبين شي فخم روحي للبورسلان الايطالي والاسباني
شارع سلوى كثير شركات هناك
بتلاقين المتر ب 90 ريال الى 120 ريال
واذا تبين كشخه واكثر فخامه روحي للرخام
شركه ( مركز الرخام والجرانيت ) ويعلمون لك ديزاين بالكمبيوتر
للصالات والمجالس والغرف اذا تبين
مفتوحه الاسعار من 90 ريال الى 400 ريال للمتر
وكل الانواع الي انا ذكرتها زينه وراح تعيش فترات طويله بالبيت
لكن المنظر والفخامه هذا شي ثاني
الي يحدد نوع التشطيبات هو انتي
تبينه فخم ؟
تبينه وسط؟
تبينه عادي؟
تبينه للايجار ؟
يعتمد على هدفك من البيت وميزانيتك
والله يساعدك على الاختيار وعلى الانواع
والله يعينك على البنيان والله يبارك لك فيه يارب
,
,
اخوك
شموخ دائم
التعديل الأخير تم بواسطة شموخ دائم ; 13-04-2009 الساعة 05:26 PM
مشكوره اختي شموخ على ردك الوافي
هذا للبيت للاستخدام الشخصي وانا رحت لشركة العبيدلي وعجبني البورسلان وسيراميك الحمامات الله يكرمك بس صينيه لكن المطابخ صراحه ضوووووووووووووووووووووووووو والمتحده منشاااااااااااااااااااااااااار
الله يكتب اللي فيه الخير ان شاء الله
ضوابط المشاركة
رد مع اقتباس