إختي هتان قطر
هذي القصيدة كامله وهي للشاعر المبدع خالد بن مدعث الدوسري
ياحمامـه كفّـي الله لا يجـزاك خيـر....من صلاة الصبح وانتي تجرين النيـاح
كان من جور المحبه غدا شرك شريـر....والله اني ذايـق قبلـك السـم الذحـاح
وكان لوعاتك من الوقت ومفارق عشير....والله ان قلبي من فراق خلـه ماستـراح
وكان مفجوعه على فقد عـش مستديـر....والله اني فاقـد شـوف نجـد والفيـاح
من سمعتك ياحمامه وانا ماقـول غيـر....لا متى هذا الشقا واردف الونه صيـاح
ماعليك خلاف عندك جناحيـن تطيـر....مير انا وشلون ابنزح وانا مالي جنـاح
مالي الا اسوق قلبي مع الغربي عصير....واسهر عيوني ليامن شعاع البـرق لاح
اتذكـر واتوجـد علـى مافـات ميـر....ماورا زود التوجاد والذكـرى صـلاح
قبلنا شالح توجد على اخـوه الصغيـر....راح اخوه وعقب ماراح ذيب الخيل راح
واتوجد وجد من صار شـره مستطيـر....وجد سعدون العواجي على طيور الفلاح
كل ليل وعبرتي تبتدي عقـب الاخيـر....تبتليني دمعة العيـن لا حـد الصبـاح
والبلا لاصاح قلبي ورا الضلع القصيـر....عوية الذيب المذير مع الحـزم البـراح
لابغيت ادله من الهم وانسى واستخيـر....حدني من حده القـوم بزنـود السـلاح
من بعد نجد العذيه وانـا مانـي بخيـر....التفت لااقفيـت عنهـا تلفـات الطيـاح
واتثاقل خطوة الرجل واقدامـي تحيـر....وكن صدري باجداته زواريق الرمـاح
ويوم اجيها مثل ورد الضوامي للغديـر....اتعجل في المجـي واتباطـا فالمـراح
دبرة الله مجري الفلك فالبحـر الغزيـر....جاري حكمه علينا مثل مجرى الريـاح
واتعبتني حاجـة وردتنـي كـل بيـر....وارتو ي هماج والناس يروون القـراح
واحدٍ حضه يشيله على شـداد البعيـر....واحدٍ حضه لاشاله تكرسـع ثـم طـاح
من ثلاث سنين وانـا اتحـرى للبشيـر....والبشير ابطا وانا سدي من البعد بـاح
يابشير الخير عجل عسى دربك سفيـر....لا تخلي للسهر جفـن عينـي مستبـاح
كـل يـوم نقـول يجـي منـك نذيـر....وانقضت الايام والحين ماصار اللقـاح
ما تورّد جمة البيـر بسلـوك الحريـر....ولا اطلق المسجون هرج التعلل والمزاح
مالقينا فالزمن كـود مـا يلقـى الفقيـر....طامع فالمال والمال في يديـن شحـاح
يدري الله والعرب ما دروا باللي يصير....مير نوحي ياحمامـة واجاذبـك النيـاح
المشاركة الأصلية كتبت بواسطة شذى الورد
