جيتك وأنا عطشان لحروف لبيه
لاقلتها تروي لها قلب ظامي
قلباً تولف حره افراق غاليّه
يومه بدونك كنه ألفين عامي
أنا اشهد أن الحب يقضي براعيه
حبه قضى فيني وطيح عظامي
يفز قلبي لاحدن جاب طاريه
لبيه خلي عد وبل الغمامي
قمت اتخيل صاحباً هاجسي فيه
ظنيت فرجت واحسب الحظ قامي
ناديت بأسمه وارفع الصوت ياهيه
قاله خفوقي مانطقه كلامي
قلبي كساه الحزن والهم طاويه
اللي بحالي ياعرب مايلامي
عزي لقلبي دام همه مخاويه
من واحداً اطلق عليه السهامي
لكن خفوقي حالف مايخليه
قلباً صويب وعلته فيه هامي