ضيــف ثقيــــــــل دمـــــ

[بوخالد911]

متااابع للموضوع ...........

[PRINCESS]

في اختراع اسمه موبايل
اللي يريد يجي يتكلم تلفون الاول وحسب وقتي وظرفي يا (أي) يا (لا")
لان اذا سمحت بالزيارات معناها ضاع نظام حياتك وضاعت خصوصيتك..
كنت اعاني فتره من سالفه المكالمات اللي مو بوقتها وتجي فجأه وممكن تطول ومرات الواحد ماله مزاج يكلم حد...لكن حتى هاذي حطيت لها حد..بدو اليعرفوني يعرفون الاوقات اللي ممكن يكلموني فيها وأرد لان اذا الوقت ماعجبني ابد ومستحيل ارد


ثانكس عالموضوع اللي يعاني منه الكثيررررر

[مالي ومال الناس]

مااتذكر مرت علي هالحالة يمكن لأن اخواني موجودين يقومون بالواجب لو عندي ظرف طارئ

لكن اللي دمه ثقيل على التلفون شنو الحل معاه

يسوووولف ويسوووولف لين اتملل بعدها اقوله خلاص يابوفلان بخليك الحين عندي شغلة وبينا تلفون بكرة

يقول انا متملل لاتسكر سولف معاي شوي .. واستحي منه

لدرجة اني احط التلفون سبيكر فوق الطاولة وهو يهذر وبعدها يقول انت معاي ؟ اقرب التلفون ايه وياك .. ويكمممل

شنو الحل معاه

[قطري مغترب]

مااتذكر مرت علي هالحالة يمكن لأن اخواني موجودين يقومون بالواجب لو عندي ظرف طارئ

لكن اللي دمه ثقيل على التلفون شنو الحل معاه

يسوووولف ويسوووولف لين اتملل بعدها اقوله خلاص يابوفلان بخليك الحين عندي شغلة وبينا تلفون بكرة

يقول انا متملل لاتسكر سولف معاي شوي .. واستحي منه

لدرجة اني احط التلفون سبيكر فوق الطاولة وهو يهذر وبعدها يقول انت معاي ؟ اقرب التلفون ايه وياك .. ويكمممل

شنو الحل معاه

تسمعه رنة القطار طوط طوط طوط طوط

[مالي ومال الناس]

تسمعه رنة القطار طوط طوط طوط طوط

مب لهدرجة عاد

[غزلان]

بل وايد مرت علينا هالسوالف من كثرهم ماتذكر شي لانهم يوميا موجودين بمجتمعنا وكل تدرعم بالصاله ويتشكون مالهم حل ويجون مرات الساعه 11 بالليل مايخلون الواحد يرتاح ومرات يجون الصبح ومايطلعون الا 12 واااااايد تصير معانا

خصوصا الثقيل يكون ملغ اووووف

بصراحه الموضوع عجيييييب

اشكرج غزلان على طرح مثل هالمواضيع الجميله

--

ماعاد فيه خصوصيه بوجودهم خاصه ان الحياه تغيرت عن قبل واوقات الزياره مزعجه خاصه ان كل الأبناء يدرسون ويحتاجون للراحه والتفرغ

العفوا وياهلا

[غزلان]

انا الحمدالله ماصادفت مثل هالنوعية من البشر . . لكن لو انا مكانج بقول لها اسمحيلي انا

مرتبطه بوعد ولازم اطلع الحين . . ترى مراعاة مشاعر هالنوعيه من الناس ماتفع !!

تحياتي لج . .

مهما تقولين وتعتذرين يطبق سياسة لأأسمع ولا أري هاها

ذكرتيني مره زارتنا وحده مع عيالها كلمت 4ساعات ولا عندها نيه تقوم صرنا تنتاوب عندها انا وامي وخواتي ههههه

ياهلا وغلا

[غزلان]

يووووووووووه ياغزلان ذكرتيني في واحد ماحب زياراته تثقييييييييييييل دم من قلب

تخيلي يجلس من العصر ولا يطلع الى الساعه 12 الليل مت قهر منه مضيع وقتي ابي اطلع ابي اروح مع اصدقائي ابي اتمشى وقت العصريات وهو جالس ويبيك تقابله طول اليوم المشكله انه متزوج وتارك بيته وجالس في المجلس

بعد ماشفته عديم احساس صرت اجلس عنده نص ساعه بعدين اقول عن اذنك بطلع عندي شغل مع الاهل

تصدقين اذا رديت للبيت متأخر احصله جالس يتعشاء مع اخواني الصغار في المجلس ههههههههههههههههههههههههههههه

--

هاها لزقه مب ضيف لو ماكنك اغير بيتنا
هذا وهو متزوج شكله مخلي بيتكم استراحه

ماشاء الله ماخذ راحته يتعشى ويتوكل

[غزلان]

اممممممم ..في الدوحه ماذكر ...
لكن أتذكر في الأردن جاني ضيف وكنت متواعد مع ناس وهالضيف ضابط في الكليه معاي وأول مره يزورني وقلت مب مشكله بيجلس ربع ولا نص ساعه وبيمشي ..المهم الرجال تم جالس ويسولف وبعدها قال تدري حاس بتعب ولازم أرجع البيت << بيته بعيد نوعا ما ....
المهم جيت أجامله وقلت له أرتاح شوي عندي وبعدها روح << ولا أشوف الرجال يفصخ القميص ويتمدد على الكنب ..<<< حسيت بموت من القهر ومب قادر أقوله بطلع وتميت جالس لين صحى من النوم وراح <<< طبعا موعدي راح ..

وصارلي موقف مشابه تقريبا في مصر وحسيت بنفجر من القهر ورفيجي القطري اللي معاي قام بالواجب وتصرف مع الضيف وتهاوش معاه ..

يعطيك الصحه والعافيه على الموضوع الثقيل

الله يوفقك ويسعدك وينور دربك وييسر أمرك دنيا وأخره أن شاء الله

كل التحيه والشكر والتقدير والأحترام لك

--

لا اخوي لاتجامل مره ثانيه قالت بروح البيت لو بيته بدوله ثانيه قوله مع السلامه والقلب داعيلك

ياكثرهم مسلوخين من الأحساس وراك وراك

شكرا

[غزلان]

متابعه لقراءة قصص ثقااااااال الدم *__^

أكيد مروا علي بس ما اذكر الحين قصه معينه ^__^

ياهلا والموضوع موضوعك