قال والذمه على الراوي أمير
وانجبر فيني ورجعه السمار
يحسب اني جاريه ذاك الضرير
وانه المخفي خليفة شهريار
سمرتي ما تعيبني كانه بصير
نصفها حشمه وباقيها وقار
ما أغير بشرتي لو هو يطير
وتصبح اليمنى على متنه يسار
وش يضر اللون والملمس حرير
وش تفيد الريح والقادم غبار
من بعيد نشوفه البدر المنير
وان قربنا للقمر شفنا الدمار
لا تغرك صفة الريش وتغير
اكثر طيور السما ماهي حرار
ناظر لقلب الانوثه واستجير
من هوى قلبك بحسن الاختيار
وان قصر ذوقك تهدا واستشير
واعتبر قولة نبي الله مسار
تنكح المرأه لأربع بالأخير
الحسب والمال والحسن الشرار
والتدين رابع الاشيا العسير
فاظفر بذلك لجل يوم الفرار
ما على الدنيا عتب يبن الامير
العتب لا صارت افكارك صغار
من طلب روح الجسد شفته عشير
واجعل عيوني لجل عينه مزار
ومن بغى لون الجسد ينسى الغدير
ما سبق شفنا على جاله حما؟؟؟
كلمات شاعرة الاحزان
|
المشاركة الأصلية كتبت بواسطة شمس قطر1
