المشاركة الأصلية كتبت بواسطة حبر سري
اقول ام عبد الله
اذا قالت الحكومة شي لاتناصح بل تطاع عمياني؟؟ مهب هذا اللي يروجون له البعض حتى في المنتدى ليل مع نهار؟
مب ولي الامر طاعته واجبة؟
حتى الجهاد هو اللي لازم يقرره؟
جات على هاذي؟
هذا اول شي
ثاني شي اختي , محمد المسفر استاذ علوم سياسية ,
واعتقد ناس وايد لو كانوا مكانه راح يقللون من اهمية المكتب لعدة امور , يمكن من بينها علشان الناس تعرف حقيقة التعاون مع اسرائيل , للرد على المشككين في نوايا الدولة , ان المكتب مجرد مكان صغير يعمل به شخصان ولا يؤثر , يمكن هذا اللي حب يوصله
يعني مايعبر عن الحكومة , بس
يبي يدافع عن بلاده وشاف هالطريقة مناسبة
اقول يمكن
ثالث شي وهو الاهم ياام عبد الله , سبحان الله لما يتكلم واحد مثل المسفر الكل راح يتكلم عنه , بس صدقيني غيره لما يتكلم ولا حد يقدر يقول كلمة
انا هذا اللي قصدته
المكتب مهب مفتوح بأمر المسفر ترى , مفتوح باوامر عليا , لكن احنا لقينا واحد
ماله ظهر فأكيد راح نرد عليه باقوى الردود , مع العلم انه عبر عن وجهة نظره اللي احنا كلنا نقول ان احنا نحترم الراي والراي الاخر
الحين باقول رايي باعتباري مواطن قطري حالي حال المسفر على قولتج , مع العلم ان
هالمزايدات على الوطينة صارت مضحكة بالنسبة لي وارفضها لكن مع هذا راح اقول رايي اللي قلته اصلا في ردي الاول بس يمكن انج ماشفتيه :
انا ضد كل اشكال التطبيع مع اسرائيل لان في نظري هالشي يقوي شوكة اليهود , حتى لو مب مجرد مكتب , ان شا الله صندقة , اتمنى يصكونها
ورايي مخالف للدكتور المسفر , لكن اظل احترم رايه
ولاحظي انه ماقال حتى انه مع فتح المكتب , هو قلل من اهميته فقط
وانتي ادرى بالقراءة مابين السطور
ليش ضيف دايم على الجزيرة؟ يعطونه فلوس , عنده ربع هناك , رفيجه مذيع , بيته قريب من الجزيرة , .... عاد انا اشدراني ليش ضيف دايم؟عبد الباري عطوان ضيف دايم بعد وغيره وغيره
الله اعلم , ماعندي اجابة على هالسؤال اللي
ماله علاقة بالموضوع اصلا
تحية لج