اشرايكم في نوكيا N96

[سـهـم دايـخ]

نصيحه عن تجربه .. خذ N85 ..

مواصفاته نفس ال N 96 بالضبط .. ولكن يتفوق عليه بالتالي ..

1) بطاريته 6 ساعات ونص تحدث ..
2) اصغر في الحجم ..
3) ذاكره 8gb شريحه (تجي مجانا معاه في العلبه) مو داخلية مثل ال N96
4) زر قفل الهاتف الخارجي ( على جنب)
5) Gps مجاني لمده 3 شهور عن طريق الاقمار الصناعية بدون رسوم وبدون انترنت وبدون موزاييك .. بس بعد كذا مادري عنه هل بيقفل والا شالسالفه هههههه
6) غطاء حامي على الكاميرا الرئيسيه

هذا رايي عن تجربه مع ال N85 .. اما ال N96 ما جربته ولكني مسكتهم جنب بعض في الشركه وقارنت الحجم .. صراحه فرق





الله يوفقك

[بوحارب]

تسلمون والله يرحم والديكم

اخوي سهم دايخ الجي بي اس في n85 وش سالفته بعد ال 3 شهور

يعني لازم اشتراك ورسوم وهالسوالف ولا تنزيل برامج

؟؟

[غنام]

عليك بــ N82 اذا تبي واحد عملي ولا سلايد ولا غيره تصوير خطير وفيه Gps وانصحك بالاسود احلى

[بوعلي2]

بوحارب اذا لك خاطر فيه خذه ولا عليك منا كلنا الي يقول خامته مادري وشو او من هالكلام ليش انت بتخلي التلفون عندك 10 سنوات من يخلي تلفونه الحين سنه اصلا كل مالهم ونزلوا لنا شي جديد اخذه على شان انظمته وانا اعرف واحد عنده مايشتكي منه مرتاح له وانا عندي ان 95 وافكر بالـ ان96 خذ الي بخاطرك يابوحارب ولا عليك من شي وبيتم نوكيا

[airbus]

شوف الn85 احسن من n96 و اصغر
فيه مثل اللي قال اخوي سـهـم دايـخ لاكن نسى 4 اشياء
1.البطارية طويلة
2.شاشته نوع تاني اسمه OLED
هذا عنده احسن واروع شاشه في الهواتف الNokia كله!!!!!
الألوان طبيعية جداً!!!!
3. فيه شيء اسمه FM Transmitter
هذا شيء تقدر تسمع اغاني اللي في الجوال في السيارة عن طريق الFM
4.الشارجر مب عادية يشتغل باليو اس بي
شوف الرابط http://www.gsmarena.com/nokia_n85-2496.php
سعره تقريباً 1650 ريال
بالتوفيق

[airbus]

تسلمون والله يرحم والديكم

اخوي سهم دايخ الجي بي اس في n85 وش سالفته بعد ال 3 شهور

يعني لازم اشتراك ورسوم وهالسوالف ولا تنزيل برامج

؟؟

اصلاً كل الهواتف الي عنده GPS مب مجاناً
لاكن تقدر تنزل برنامج الGarmin للGPS
بــــــــالـــــتـــــــوفــــــــيـــــــــق

[سـهـم دايـخ]

تسلمون والله يرحم والديكم

اخوي سهم دايخ الجي بي اس في n85 وش سالفته بعد ال 3 شهور

يعني لازم اشتراك ورسوم وهالسوالف ولا تنزيل برامج

؟؟

والله ياخوي يا بوحارب مادري شسالفته .. يوم شغلته الا يقولي ترخيص لمده 90 يوم .. عبر الاقمار الصناعية مباشره .. ولكني ما كنت اعرف استخدمه ولا في حياتي استخدمت GPS ..

ولكن يوم السبت الماضي كنت في البحرين .. وكنت ادور لي شغله معينه .. المهم من محل الى محل .. ومن محل الى محل .. ومن محل الى محل .. وكل محل يوصف لي مكان المحل اللي بعده .. لقيت نفسي بوسط دواعيس السوق .. اللي اول مره في حياتي ادخل هالدواعيس .. المهم توهقت من قلب .. وخاصه وانه باقي على اقلاع الطياره ساعه ونص وانا ناشب في زحمه دواعيس لها اول ما لها اخر .. جا في بالي الجي بي اس .. قلت خلني اتعبث فيه كمحاوله اخيره قبل لا افقد الامل بالنوم في غرفتي في الدوحه ذيك الليله .. اول ما شغلته الا يقولي انه ما فيه شبكة انترنت وكلام واجد .. وما فيه خيارات طالعه لي الا كلمة موافق .. ضغطت عليها ورحت لخيارات لقيت كلمة موضعي .. اخترتها .. وطلع لي قوة استقبال القمر الصناعي باللون الاخضر (مثل علامة ارسال الجوال العاديه ) وعلامة انترنت الجوال محطوط عليها اكس .. الا الخريطه تغيرت على البحرين وطلعت نقطه حمرا في النص .. انا امشي بالسياره وهي تمشي بالخريطه .. استانست على السالفه .. ونسيت الخط وبغيت ادعم من كثر ما انا مستانس ان النقطه تمشي بروحها .. تكنولوجيا خخخخخخخ..

المهم صغرت الخريطه عشان اشوف اقرب شارع رئيسي عني .. وتوجهت له .. ومع الزحمه ودواعيس لين طلعت على شارع كورنيش البحرين .. وعلى المطار دوغري .. من حظي اني كنت ماخذ البورد كارد مال الرجعه من الدوحه .. وصلت المطار الا الكونتر مسكر .. واسمع ينادون اسمي .. وخطوه سريعه لين البوابه رقم 16 .. واتسمت على السيت لين الدوحه ..

وسلامتكم ..

هذا اللي اعرفه يا بو حارب عن ال GPS .. ولا تحرجني وتقولي شسالفة الاشتراك

تحياتي

[الكيان2009]

وتقبلوا مروري

[سـهـم دايـخ]

شوف الn85 احسن من n96 و اصغر
فيه مثل اللي قال اخوي سـهـم دايـخ لاكن نسى 4 اشياء
1.البطارية طويلة
2.شاشته نوع تاني اسمه OLED
هذا عنده احسن واروع شاشه في الهواتف الNokia كله!!!!!
الألوان طبيعية جداً!!!!
3. فيه شيء اسمه FM Transmitter
هذا شيء تقدر تسمع اغاني اللي في الجوال في السيارة عن طريق الFM
4.الشارجر مب عادية يشتغل باليو اس بي
شوف الرابط http://www.gsmarena.com/nokia_n85-2496.php
سعره تقريباً 1650 ريال
بالتوفيق

شاكر لك اخوي الاضافه .. مع ان النقطه الاولى انا ذكرتها بخصوص البطارية .. ولكني خلني ازيدك من الشعر بيت ..

التلفون الوحيد في نوكيا اللي حجم شاشته 2.6 هو N85 .. و 2.8 N96 .. وباقي التلفونات 2.4 واصغر

وتقدر تقفل التلفون في حالة سرقته بانك ترسل رساله فيها رقم سري تكون انت مبرمجه من قبل في تلفونك وترسل هالرقم في رسالة اس ام اس لتلفونك من اي تلفون ثاني ويقفل عن بعد

تحياتي

[_بوشهاب_]

الــn85 ياخوي هذا الــgps فيه لمده ثلاث شهور مجانا بعدين تقدر تنزل الخريطه ويدلك على كل شي ببلاش لكن بالانجليزي واذا خاطرك في تيلفون فيه الــgps ببلاش وبالعربي مالك الا
(( Nokia 6110 Navigator )) هذا اذا حصلته
وتحياتي لك