مرثية في الشاعر الفقيد طلال العبد العزيز الرشيد (الملتاع) ابو نواف
_________________________________
الله يجـازي مـن ذبـح ابـن الرشـيـد ابــلا سـبـب
والله ذبـح فـي فعلتـه طيـب المعانـي والخـصـال
تبـت يديـن المعصيـه كانـه فــي كفيـنـه شــرب
دم الشهـيـد المحتـضـر والــدم صـافـي كـالـزلال
يا الشمري جالك غدر من ساسه وراسـه ذنـب
راعي ولـد راعـي قـدر يقتـل علـى غفلـه طـلال
لـوهـي مـواجـه باللـقـى وبراحـتـه ذاك الـحــدب
والله يخليهـم غـنـم تـرعـى مــع بـاقـي الـحـلال
يمنى الضياغـم لا ازعلـت ثـارت براكيـن الغضـب
ومن كان ينفي قولتي يسئل عن ديـار الشمـال
من كان ينفي قولتي ينخى السناعيـس العـرب
لو كان في سابـع سمـى هبـوا علشانـه رجـال
ربــع الجـنـازه سلمـهـم لـطـم المنـافـي لــلأدب
تاريخـهـم مــا يجـحـده كــود الـمـخـدر بـالـجـدال
يـا لبـه قلـب الشمـري نـومـاس ودلال ومـشـب
ان جيت له ضايق صدر تطلع وفي قلبـك سـؤال
وشلـون غيـر حالتـك عـقـب الشـكـاوي والتـعـب
وفي خاطرك بس تسئله وش سر تمييل العقال
نـواف لا تزعـل علـى مــا راح يـاخـوي احتـسـب
نـواف كـل حـيٍ بنـا ماشـي عـلـى درب الــزوال
نـواف فـي جـنـة عــدن يقـطـف عناقـيـد العـنـب
والـحـور اكـبـر هـمـن يـغـدق عليـهـن بـالـوصـال
نـواف فـي جنـة عـدن يكتـب قصايـد مـن ذهــب
في مدح طه والرسل من عقـب مدحـه للجـلال
نواف في جنة عدن يمشي على متن السحـب
مشيٍ يغيض ابه العدى مـن كثـر مافيـه اختيـال
نـواف فـي جنـة عـدن مـا يلحقـه ضيـق ونـصـب
مختـار مـن ابهـى الغـرف متوسـد ايـات الجمـال
نـواف مـا نزكـي احـد والغيـب عنـد اللـي نـحـب
لكـن نحـسـب الـلـي رحــل كـامـل ولله الكـمـال
يـا قايـل الشعـر امتنـع يـا سامـع الشعـر اكتئـب
نحتاج قرن من الزمن يمكـن نعـوض بـه طـلال!!
مرثية بقلم : كش ملكّ!!
|
