برنامجكم شرينــــــا وبعنـــــــا 18

[قطر]

بيزات
هلا هلا بالاتصال اللي يفتح القلب من اسمك فلووووس تصلح للبورصة
اقول خلك متفرج احسن والله .... بس لاطول في المناظر اتخذ قرارك ولاتتردد

او استخدم واسطة اسمك (بيزات) وحط لنا عروض وهميه هههههه امزح

هلابك

502هلا هلا بالاتصال الرقمي

يالله يعطيني رقمك في البورصه بالموجب مع 6 اصفار جنبه قول امين

المصرف اقدر اقول ممتاز وربك شريته ب 506؟

بالنسبة للكهرباء خلها استثمار طويل الاجل وخصوصا انها وزعت ارباحها

وش عاد تنتظر منها

[مغروور قطر]

بس بيرد غصبن عنهم بيرتفع مره ثانيه

[بيـــزات]

حبيب قلبي والله (قطر)

لا ما عليك متفرج .. بس الدبره موجوده...

يعني لين بكره جذيه... وان شوف الرؤيه ..

وبناءا عليها نتخذ القرار النهائي

[قطر]

عليكم السلام العزيز

ليش بكم شاري صناعات والتخصصي والاهلي ؟؟


بالنسبه للي شريتهم خلك مترقب في اي لحظه عشان اتبيع

اغلبهم مضاربه والله اعلم

[boabdullah]

مراحب شباب ,,,,,,,,,,, اليوم أسميه(( بداية تحمل القلـــوب القويـــة )) ولعبة المتحدة بدت توضح أكثر بضخ الكميات وسحبها ,,,(( نفس اللي صار مع الصناعان )) ,,,, عموما أنا ماأخاف وأشتريت الكهرباء وعلى 110 ووقود 147 وراح أخليهم لشهر (أبريـــــ ـ4ـــــل ) وأـوقع أن بكرة بيكون نفس لعبة اليوم ,,,,,,, وبالتوفيق للجميع

[قطر]

بيزات انا اشوف ان الرؤية عدل يوم الاحد يأما صقلنا بأحمر يأما نطرنا مع الاخضر وان شالله ننطر


مغرور قول بإذن الله وانا اخوك

[مغروور قطر]

بأذن الله طبعا

[قطر]

بوعبدالله هلا بك

المتحده عطوها فوق وزنها ترى

واللي باع اليوم مضاربين انتظروا الخبر وطلع وباعوا

يعني دايما وخصوصا في سوقنا ايقولك اشتر على الاشاعه وبيع مع الخبر المؤكد



وموفق في اسهمك

[المستثمر القطري]

والله اليوم السوق الصراحه شي عجيب

واذا بتم سوقنا حذي في الصيف بتكون ربحية المضاربه فيها ممتازه

بس بشرط تعرف شنو تشتري و شنو تبيع

[boabdullah]

المشتثمر القطري ,,,,,,,,,مراحب السوق طبعا" للمظاربين عجيب بس في الصيف لازم تتذكر أن معاك حبايبنا ((( الأجانب ))) فراح يكون عجيب ,,,وغريب,,,,ومخيف,,,,,وبعد أيش أقولك ,,,,,,,,,,أخوك بوعبدالله